Jia Sidao

Jia Sidao (1213, Taizhu - aost de 1275, Zhangzhu) es un òme politic chinés que dominèt la cort imperiala dei Song de 1260 a sa mòrt.

Foguèt cap dau govèrn de l'Empèri Song e menèt una politica de nacionalizacion dei tèrras que li permetèt de venir popular en lei mitans confuceans. Pasmens, es subretot conegut per sa corrupcion e son incompeténcia militara. D'efiech, a aquela epòca, lei Song èran atacats per lei Mongòls qu'avián ja ocupat totei lei territòris situats au nòrd dau Fluvi Blau. Jia Sidao escondiguèt la situacion malaisada de la garnison de Xiangyang, vila fortalesa que bloquèt leis assauts mongòls per passar lo fluvi de 1267 a 1273. Puei, après la casuda de la vila, comandèt una importanta armada mai espaurit per son adversari, prerefiguèt s'enfugir avans la batalha de Yihu. Son armada l'imitèt e se desintegrèt. Aquò permetèt ai Mongòls d'ocupar lo sud de China e Jia Sidao foguèt executat per lei Song en causa de seis errors multiplas.

Liames intèrnes

• Conquista mongòla de China.
• Dinastia Song.

Bibliografia

• (en) James Waterson, Defending Heaven: China's Mongol Wars, 1209-1370, Casemate Publishers, 2013.