Jeff Goldblum
Jeffrey Lynn Goldblum (West Homestead, Pittsburgh, Pennsilvània, 22 d'octobre de 1952) es un actor american. Es conegut principalament pels films Jurassic Park, The Fly o Independence Day. A participat tanben dins divèrsas sèrias de television prestigiosas coma per exemle Los Simpsons e Friends. Foguèt nomenat al Oscar al melhor cortmetratge per Little Surprises (1995).
|
Jeff Goldblum
Jeffrey Lynn Goldblum | |
|---|---|
 | |
| Jeff Goldblum a Toronto, 2007. | |
| Naissença | 22 d'octobre de 1952 |
| Nacionalitat |  Estats Units
|
| Profession(s) | Actor de cinèma |
| Conjunt(a) | Patricia Gaul (1980-1986) Geena Davis (1987-1990) Tania Raymonde (2009-uèi) |
| Ficha IMDb | |
Biografia
modificarJeff Goldblum nasquèt en 1952 a West Homestead. Son paire èra mètge e eduquèt los filhs a l'ortodoxia jusieva, malgrat que promoguèt las siás inquietuds artisticas. En Jeff a quatre fraires: Rick (que moriguèt d'una malautiá d'arnelh quand Jeff aviá dètz-e-nòu ans); Pamela, qu'es tanben actritz; e un autre fraire qu'es agent de l'Estat.
Quand aviá dètz-e-sèt ans Goldblum se n'anèt a Nòva Yòrk per venir actor. Estudièt a l'escòla Neighborhood Playhouse, dirigida per Stanford Meisner.
Comencèt a trabalhar pel teatree amb un pichon ròtle dins l'òbra de William Shakespeare Two Gentlemen of Verona e puèi comencèt a far d'interpretacions amb mai de continuitat, e joguèt divèrses ròtles a Broadway durant quatre ans, abans d'arribar dins lo cinèma.
Aguèt un ròtle a la produccion comica Death Wish, e foguèt alara descobèrt pel director Robert Altman, que li ofriguèt de trabalhar cap a la mitat dels ans 1970 dins California Split (1974) e Nashville (1975).
La decada de las annadas 1980 foguèt plena de projèctes. Entre los longmetratges destacats i a The Big Chill (1983) de Lawrence Kasdan e The Fly (1986) de David Cronenberg; e tanben qualques sonats fracàses coma Earth Girls Are Easy. En aquela epòca aguèt una relacion turbulenta amb Geena Davis amb qui se maridèt, pasmens pauc de temps aprèp divorcièron. Èra estat abans maridat amb la coprotagonista de Silverado, Patricia Gaul). Foguèt tanben ligat a la siá companha de despartiment de Jurassic Park (1993) de Steven Spielberg, Laura Dern.
