Jan Lacor

Jan Lacor, vadut a Merinhac (Bordalés) lo 9 d'aost 1820, mòrt en 1908, es un poèta occitan d'expression francesa e occitana.

Biografia

Eishut d'un mitan sociau praube, estut escolarizat a Bordèu de 1828 entà 1832; qu'i aprengut a legir, escríver e carcular. Ne podent pas pagar estudis, comencèt còp-sec de trabalhar coma aprenent-mecanician. Après un viatge en Portugau, publiquèt sas permèiras òbras, Les Premiers Chants en 1845. Librari, marchand de vins e de consèrvas alimentàrias apuei armador de pesca end'Arcaishon, escriu en 1856 lo Guide du voyageur à Arcachon en 1856 apuei fonda en 1858 lo jornau Le Phare d'Arcachon. Se dident proletari, pregondament crestian, Lacor es atirat, de per sas originas, per las problematicas socialas. En 1852, las leis sus la premsa de l'Emperi jutja lo jornau non-confòrme a la lei, e Lacor es empreisonat un mes au hòrt dau Har a Bordèu, après auger pagat 100 francs d'amenda. Son recaptadueir Fleurs de Landes (1853) lo vei emplegar l'occitan prau permèir còp. Es un gascon girondin, lo que se parlava a Merinhac e alentorn. Es un parlar damb francismes e posnhacs, mès qu'a l'immens interès d'èster naturau e espontanèu. Nos amuisha coma se parlava l'occitan dau costat de Bordèu au sègle XIX. En 1866, fonda lo Courrier de Bordeaux e en 1867 lo Messager des Landes et de la Gironde. En 1869 sas òbras completas son editadas a Bordèu, end'Auguste Bord. Se morit en 1908, atjat de 87 ans.

En tot, gardam quate poesias occitanas d'eth : La Gojata dau bucheiron, Pendent la tempèsta, Los Parans e la hòrt lamartinenca Amiga perduda que tirèt de son recaptadueir lòrs de la publicacion de sas òbras completas en 1869.

Sas influéncias literàrias, prau francés, son Béranger, Victor Hugo, Lamartine, benlèu Nerval. Per l'occitan, sembla èster marcat per l'estil de Jansemin, alavetz au som de son prestigi, mès sabem que coneishut tanben son capdet e vesin Teodòr Blanc (1840-1880), auquau la poesia La gojata dau bucheiron de Fleurs de Landes es dedicada.

Bibliografia

LACOU, Jean, 1869.Oeuvres complètes, poésies, pensées philosophiques, anecdotes sur les oiseaux, études sur les vins, mélanges littéraires, astronomie. Bordeaux, Office Central de Publicité et Imprimerie Auguste Bord, 91 rue Porte-Dijeaux.