Iurii Andropov
Iurii Andropov (2 de junh de 1914, Nagutskaya - 9 de febrier de 1984, Moscòu) es un òme d'Estat sovietic que foguèt secretari generau dau Partit Comunista de l'Union Sovietica dau 12 de novembre de 1982 au 9 de febrier de 1984. Succediguèt a Leonid Brezhnev (1964-1982) e foguèt remplaçat per Konstantin Chernenko (1984-1985).
Intrat au sen dau Partit en 1939, foguèt segond secretari de Carelia de 1947 a 1951 e ambassador en Ongria de 1953 a 1957. En 1961, venguèt membre dau Comitat Centrau e ne'n venguèt secretari un an pus tard. Contunièt son ascension après son eleccion coma membre dau Politburo en 1967. En parallèl, a partir d'aquela annada, prenguèt la direccion dau KGB. Òme intègre, aguèt un ròtle centrau dins la definicion dau concèpte de « legalisme socialista » que permetiá de rompre amb la repression dau periòde estalinian. Luchèt ansin còntra la corrupcion, mai ataquèt tanben lei dissidents autors d'accions « antisovieticas ». En 1982, foguèt elegit Secretari generau dau Partit. Rapidament malaut, accelerèt la lucha còntra la corrupcion e la dissidéncia. Assaièt egalament, mai sensa succès, de reformar l'economia sovietica.
Liames intèrnes
modificar- URSS.
Bibliografia
modificar- (fr) Moshe Lewin, Le siècle soviétique, París, Fayard-Le Monde diplomatique, 2003, 526 p.
Nòtas e referéncias
modificar