Invasion d'Anjouan (2008)
|
Invasion d'Anjouan (2008)
| |
|---|---|
| Informacions generalas | |
| Data | 24 - 26 de març de 2008 |
| Luòc | Anjouan |
| Casus belli | Separatisme dau govèrn de l'illa d'Anjouan |
| Cambiaments territorials | Restauracion de l'autoritat comoriana sus Anjouan |
| Eissida | Victòria comoriana |
| Belligerants | |
 Comòras
|
.svg){kind=small} Anjouan
|
| Fòrças en preséncia | |
 750
|
500
|
| Pèrdas | |
| Ges de pèrda | 3 mòrts, 10 bleçats e 100 presoniers |
.svg){kind=small}
L'invasion d'Anjouan se debanèt entre lo 24 e lo 26 de març de 2008. Opausèt una fòrça comoriana, sostenguda per un important còrs de soudats africans, ai tropas d'Anjouan. S'acabèt per la conquista rapida de l'illa e la fin de son govèrn separatista.
Aquela invasion foguèt la consequéncia de la crisi separatista comoriana de 1997. Leis illas de Mohéli e d'Anjouan se proclamèron independentas e Anjouan demandèt son annexion a França. Pasmens, París refusèt de crear una segonda situacion similara a l'illa de Maiòta e un govèrn separatista s'installèt donc per dirigir l'illa. Sota la direccion de Mohamed Bacar, se transformèt pauc a pauc en regime autoritari e un blocus economic foguèt decidit per l'Union Africana en 2007. Aqueu blocus agravèt una situacion economica ja malaisada caracterizada per la fugida d'un nombre d'abitants en direccion de l'illa francesa de Maiòta.
En març de 2008, divèrseis estats, sostenguts per França desirosa d'eliminar una fònt d'instabilitat dins una region onte sa preséncia es contestada, trobèron un acòrd per organizar una ataca de l'illa. Lei tropas comorianas foguèron renfòrçadas per d'unitats tanzanianas, sodanesas e senegalesas. França e Libia assegurèron lo sostèn logistic de l'operacion que comencèt lo 24 de març. Lo 25, aquelei tropas desbarquèron dins l'illa onte se turtèron a una resisténcia mau organizada. Lo conquista de l'illa s'acabèt l'endemans. Bacar capitèt de s'escapar sus l'illa de Maiòta.
L'invasion de l'illa s'acabèt donc una victòria aisada dei fòrças africanas e permetèt de restaurar l'unitat dei Comòras. Mohamed Bacar foguèt arrestat per França per « importacion illegala d'armas » puei expulsat au Benin.