Inge Lehmann

Inge Lehmann (13 de mai de 1888, Copenaga - 21 de febrier de 1993, Copenaga) es una sismològa danesa dau sègle XX. Es famosa per la descubèrta dau nuclèu intèrne de la Tèrra en 1936.

Diplomada de l'Universitat de Copenaga après aver seguit d'estudis scientifics avançats, venguèt assistenta dau matematician e geològ Niels Erik Nörlund (1885-1981) que la carguèt d'installar un ret de sismomètres en Groenlàndia. Aquò li permetèt de venir doctora en geodesia en 1928 e de venir directritz dau departament de sismologia de l'Institut Reiau Danés de Geodesia. I realizèt sa descubèrta pus importanta, aquela de l'existéncia d'un nuclèu intèrne solide, en 1936. Après sa retirada en 1953, anèt ais Estats Units d'America onte contunièt de trabalhar, principalament per desplegar un ret de sismomètres capables de detectar d'assais nuclears sovietics.

Recebèt plusors prèmis scientifics durant sa carriera coma la medalha William Bowie en 1971.

Liames intèrnes

• Discontinuitat de Lehmann, limit entre lei nuclèus intèrne e extèrne.
• Geologia.
• Sismologia.