Indici d'explosivitat volcanica
L’indici d'explosivitat volcanica (ò indici VEI per l'anglés Volcanic Explosivity Index) es un metòde d'estimacion destinat a establir una mesura relativa de la fòrça explosiva d'una erupcion volcanica. Permet tanben d'identificar lei volcans pus perilhós.
Desvolopat per de scientifics estatsunidencs en 1982, es basat sus divèrsei paramètres coma lei quantitats d'emissions volcanicas ò l'autor dau plumacho eruptiu. Es una escala dubèrta mai a l'ora d'ara, lei valors definidas varian unicament entre 0 e 8.
| VEI | Classificacion | Descripcion | Autor dau plumacho de cendre | Quantitats d'emissions | Periodicitat teorica | Exemple(s) |
| 0 | Hawaiana | Non explosiu | < 100 m | > 1 000 m3 | quotidian | Kilauea |
| 1 | Hawaiana / Estromboliana | Feblament explosiu | 100-1 000 m | > 10 000 m3 | quotidian | Estrombòli |
| 2 | Estromboliana / Vulcaniana | Explosiu | 1-5 km | > 10 000 000 m3 | setmanièr | Galeras (1982) |
| 3 | Vulcaniana | Catastrofica | 3-15 km | > 100 000 000 m3 | anuau | Nevado del Ruiz (1985) |
| 4 | Vulcaniana / Pliniana | Cataclismica | 10-25 km | > 0,1 km3 | ≥ 10 ans | Galunggung (1982) |
| 5 | Pliniana | Paroxismatica | > 25 km | > 1 km3 | ≥ 50 ans | Vesuvi (79), St-Helens (1980) |
| 6 | Pliniana / Ultrapliniana | Colossala | > 25 km | > 10 km3 | ≥ 100 ans | Krakatoa (1883), Pinatubo (1991) |
| 7 | Ultrapliniana | Ultracolossala | > 25 km | > 100 km3 | ≥ 1 000 ans | Tambora (1815) |
| 8 | Ultrapliniana / Supervolcan | Apocaliptica | > 25 km | > 1 000 km3 | ≥ 10 000 ans | Lac Taupo (vèrs 25 000 avC) |