Guantànamo

Guantánamo es una vila de Cuba e la capitala de la província de Guantánamo. Situada a una quinzena de quilomètres al nòrd oèst d'una baia prigonda, la baia de Guantánamo, sa populacion est d'uns 208 000 abitants, la majoritat vivent de la cultura de la cana de sucre e de coton. La vila de Guantánamo fuguèt fondada en 1796 per aculhir los Franceses fugissent Aïtí e se desvelopèt al sègle XIX. Es la capitala d'una província eteroclita ont de deserts que butan pas que des cactus succedisson a de monts verdejants.

Guantánamo
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Geografia fisica
Coordenadas	20° 08′ 33″ N, 75° 12′ 32″ O
Superfícia	741 km²
Altituds  · Mejana	46 m
Geografia politica
País	Cuba
Província	Guantánamo
Geografia umana
Populacion (?)	243 606 ab.
Autras informacions
Gentilici	Guantanameros -as

Los abitants de la vila son nomenats los Guantanameros.

La basa de Guantánamo

Articles detalhats: Basa navala de la baia de Guantánamo e camp de Guantánamo.

Mapa de la baia de Guantanamo amb representacion de la basa estatsunidenca en color clara.

Lo nom de la vila donèt son nom a la baia e a la basa navala militara estatsunidenca a l'intrada d'aquela. Lo nom de Guantánamo venguèt mondialament celèbre après l'implantacion d'un camp de detencion dins aquela basa en 2002 per emprisonar des « combatents enemics » preses dins las accions de l'armada dels EUA a l'estrangièr avent seguit los atemptats de l'11 de setembre de 2001.

La basa navala es situada a 15 km al sud de la ciutat e a una superfícia de 117,6 km² repartida suls dos costats de l'intrada de la baia, enebissent a la vila tot accés dirècte al mar. La basa abriga en permanéncia près 7 000 militaris estatsunidencs e lor familha, vivent gaireben en autarciá. Occupat dempuèi la guèrra ispanoamericana de 1898, lo territòri es arrendat pel govèrn dels EUA per 4 085 dolars par an dempuèi lo 23 de febrièr de 1903 (jos la presidéncia de Theodore Roosevelt). Pagat annadièrament per chèc dels EUA, Fidel Castro se fasiá fòrt d'aver pas jamai tocat un sol d'aqueles chècs (levat aquel de 1959, an qu'arribèt al poder sus l'illa, tocat « per error »). La basa pòt pas èsser cedida sonqu'amb lo consentament d'ambedoas partidas.

Cançon

La vila es tanben coneguda per la guajira Guantanamera, una canson cubana mai celèbra, escricha per Joseíto Fernández en 1928 o 1929.

Ligams extèrnes

• (en) Article sus l'istòria de la prison de Guantánamo