Gipsy Kings
Los Gipsy Kings son un grop de musicians occitanocatalans d'estil musical gitan, pasmens lors cançons mai conegudas son cantadas en espanhòu. La formacion creada cap als ans 70, e que se sonava inicialament "Los Reyes" se compausa mai que mai de membres de doas familhas de gitans catalans, los Baliardo de Montpelhièr (tres filhs del guitarrista Manitas de Plata) e los Reyes d'Arle. A aqueles se jonhèt puèi un autre musician Chico Bouchikhi que venguèt lo menaire del grop e foguèt l'autor del nom actual de Gipsy Kings. Lo grop venguèt celèbre gràcias a son interpretacion d'una cançon classica de Veneçuèla: Bamboleo e a Djobi Djoba.
La formacion venguèt lo primièr grop de l'estat francés a obtenir un disc d'aur als Estats Units e en 1990 ganhèt las Victòrias de la Musica del grop de l'an. Pr'aquò, l'an seguent lo menaire Chico laissèt lo grop aprèp qualques mescòrdis, e dempuèi 1992 canta jol nom de Chico and the Gypsies.
Discografia
modificar- Allegria (1982)
- Luna de fuego (1983)
- Gipsy Kings (1987)
- Mosaïque (1989)
- Este mundo (1991)
- Live (1992)
- Love and Liberté (1993)
- The Best of the Gipsy Kings (1995)
- Tierra gitana (1996)
- Compás (1997)
- Cantos de amor (1998)
- Volare: The Very Best of the Gipsy Kings (1999)
- Somos gitanos (2001)
- Tonino Baliardo (2003)
- Roots (2004)
- Pasajero (2006)
- Sorpresa de Navidad (2012)
- Savor Flamenco (2014)