PSR B1257+12 c : Diferéncia entre lei versions
Creacion de la pagina amb « thumb|right|Comparason entre lei talhas respectivas de la [[Tèrra, de PSR B1257+12 c e de Neptun.]] '''PSR B1257+12 c''', subrenomat '''Poltergeist''', es una planeta extrasolara en orbita a l'entorn dau pulsar PSR B1257+12. Es situat a {{formatnum:2300}} ans lutz de la Tèrra dins la constellacion de la Verge (constellacion)|Ve... » |
(Pas cap de diferéncia)
|
Version del 26 julhet de 2021 a 09.21
PSR B1257+12 c, subrenomat Poltergeist, es una planeta extrasolara en orbita a l'entorn dau pulsar PSR B1257+12. Es situat a 2 300 ans lutz de la Tèrra dins la constellacion de la Verge. Descubèrta en 1992, aguèt un ròtle important dins l'istòria de l'astronomia car permetèt de demostrar l'existéncia de planetas en fòra dau Sistèma Solar.
Istòria
Poltergeist foguèt descubèrta en 1992 per leis astronòms Aleksander Wolszczan (nascut en 1946) e Dale Frail (nascut en 1961) amb l'ajuda dau radiotelescòpi d'Arecibo. En parallèl, foguèt descubèrta una segonda planeta, dicha Fobecator. Situadas sus d'orbitas relativament pròches, an una influéncia gravitacionala sus la trajectòria de sa vesina, çò que permetèt de calcular rapidament lei caracteristicas dei doas plantas.
Doas autreis exoplanetas foguèron identificadas a l'entorn dau pulsar PSR B1257+12 en 1994 e en 2002.
Caracteristicas
Poltergeist es una planeta de 4,3 massas terrèstras que seguís una orbita relativament circulara (excentricitat de 0,0186) mai fòrça clinada (53°) a una distància mejana de 0,36 UA de son pulsar. Son orbita es trebolada per la proximitat de Fobecator que son orbita se situa a 0,46 UA dau pulsar centrau.
La natura e l'estat de la planeta son desconegudas mai de condicions extrèmas son probablas car un pulsar es lo rèsta d'una estela supermassisa aguent espetat sota forma de supernova.