Esclarmonda

Esclarmonda es un prenom femenin occitan.

Origina

La primièra Esclarmonda coneguda foguèt Esclarmonda de Fois, filha de Rogièr Bernat Ièr de Fois e Cecília de Besièrs, principala defensora del catarisme. Segon lo trobador Guilhèm Montanhagòl, lo nom de Esclarmonda significa aquela qui balha claretat, esclar dins lo mond. En aquel sens, aquela interpretacion se pòt tanben ligar a la doctrina catara, que la lutz e la puresa son d'elements destacats per lo dessús de l'escuretat e l'ombra.

Autras variantas: Esclarmunda, Esclaramunda.

Difusion

Pendent l'edat mejana foguèt un prenom abitual entre las dònas de la noblesa de la Corona d'Aragon e los estats d'Occitània, mas malgrat que s'escampèt per autres estaments mai basses arribèt pas a se consolidar coma prenom popular en occitan al delà de l'edat mejana. Totun, en catalan malhorquin donèt luòc al nom comun, uèi arcaïc, de esclamonda: femna qu'òbra baujament, sens entendement.

Versions en d'autrəs lengas :

• catalan: Esclarmonda
• francés: Esclarmonde
• espanhòl: Esclaramunda

Jules Massenet dins lo sègle XIX compausèt un opèra fòrça celèbre amb aquel nom Esclarmonde. D'autre biais, lo cantaire occitan Patric faguèt una cançon consacrada a Esclarmonda de Fois apelada Esclarmonda.

Festa onomastica

La celebracion onomastica catolica del prenom Esclarmonda es lo 22 d'octubre en onor de la beata mercedària Esclarmonda de Fois, reina consòrt de Malhòrca.

Istòria

• Esclarmonda de Fois, princessa de Fois e defensora del catarisme
• Esclarmonda de Fois, reina de Malhòrca