Desbarcament de Provença

Lo desbarcament de Provença (ò Operacion Dragoon) es una operacion militara menada per leis Aliats lo 15 d'aost de 1944 dins lo corrent de la Segonda Guèrra Mondiala. Entraïnèt lo desbarcament de quatre divisions aliadas dins lo sud-èst de França que formèron l'avans-gàrdia d'una armada francoestatsunidenca (350 000 òmes) que prenguèt rapidament l'avantatge sus lei fòrças alemandas dau sud-èst de França (250 000 òmes). Menaçadas d'enceuclament, lei fòrças alemandas recebèron l'autorizacion d'Adolf Hitler d'abandonar la region e de se retirar vèrs lo nòrd. Deguèron solament laissar de garnisons per blocar lei pòrts de Marselha e de Tolon e empachar son utilizacion per leis Aliats. Pasmens, foguèron rapidament obligadas de capitular.

Fotografia de l'intrada d'André Diethelm, dei generaus de Lattre de Tassigny e de Monsabert e d'Emmanuel d'Astier de La Vigerie dins Marselha après la liberacion de la vila.

Liames intèrnes

• Batalha de Marselha.
• Batalha de Tolon (1944).