Batalha de Marselha

La batalha de Marselha se debanèt dau 21 au 28 d'aost de 1944 durant la Segonda Guèrra Mondiala. Opausèt l'armada francesa liura, sostenguda per la Resisténcia locala, a la garnison alemanda de la vila. Acomencèt après la liberacion d'Aubanha (21-22 d'aost) e foguèt marcada per una tiera de combats dins divèrseis endrechs de la vila qu'èran tenguts per leis Alemands, especialament lei còlas dau nòrd, leis installacions dau pòrt e la còla de Nòstra Dòna de la Gàrdia. Finalament, lo 27, lei defensas alemandas acomencèron de se rompre e tota la garnison capitulèt lo 28. Lo bilanç uman foguèt de 1 400 combatents francés tuats ò bleçats còntra 2 000 dins lei rengs alemands. 11 000 presoniers foguèron tanben capturats per lei Francés. En mai d'aquò, leis installacions portuàrias èran operacionalas car leis Alemands poguèron pas lei destrurre permetent ais Aliats de tenir un pòrt fòrça important dins lo sud de França.

Liames intèrnes modificar

Bibliografia modificar

Nòtas e referéncias modificar