Declaracion dels Dreches de l'Òme e del Ciutadan
La Declaracion dels Dreches de l'Òme e del Ciutadan es un dels documents fondamentals de la Revolucion Francesa.
Aquesta declaracion definís un ensems de dreches individuals e collectius. Foguèt adoptada lo 26 d'agost de 1789 per l'Assemblada Nacionala Constituenta francesa coma un primièr pas per redigir una Constitucion.
Las fonts o influéncias d'aqueste tèxte venon subretot dels pensaires del Sègle de las Luses, especialament Rousseau e Montesquieu, e de la Declaracion d'Independéncia dels Estats Units de 1776.
Malgrat lo sieu caractèr d'universalitat, lo document inclutz pas las femnas (malgrat los ensages posteriors d'aplicacion), en reconéisser la condicion de ciutadan sonque als òmes. Aqueste fach provoquèt divèrsas reaccions entre las femnas revolucionàrias de l'epòca qu'avián mesas dins la Revolucion Francesa sas esperanças per arribar a l'egalitat de dreches amb los òmes. Un exemple d'aquesta situacion se tròba dins la Declaracion dels Dreches de la Femna e de la Ciutadana d'Olympe de Gouges.
La Declaracion dels Dreches de l'Òme e del Ciutadan prepausava pas tanpauc l'abolicion de l'esclavatge. Malgrat aquestas mancanças, es considerada coma un instrument precursor dels dreches umans. Actualament los seus principis an valor constitucionala dins la Republica Francesa.