David McWilliams
David Mac Williams es un cantaire irlandés anglofòn nascut lo 4 de julhet de 1945 a Béal Feirste en Irlanda del Nòrd e mòrt d'una crisa cardiaca lo 8 de genièr de 2002 a Ballycastle (Irlanda del Nòrd).
Mac Williams es mai que mai conegut per èsser l'autor e l'interprèt en 1967 de la cançon Days of Pearly Spencer. Aquela cançon es estada represa per de nombroses artistas coma Marc Almond, David Bowie, e quitament en version reggae en 1987 per Kamille ; la musica de Days of Pearly Spencer es estada ela escapolonada pels grops italians Topo & Roby (Set On Fire, 1988) e Cappella (What I Gotta Do, 1994).
Curiosament, la cançon Days of Pearly Spencer per David McWilliams, pasmens cantada en anglés, es pas estada classada a l'epòca (1967) dins los palmareses britanics, mentre qu'a pr'aquò agut una plan granda capitada al Japon e dins païses del continent europèu, en Itàlia, en França (ont foguèt tanben represa en 1968 en francés per Frank Alamo, Je connais une chanson), en Belgica, als Païses Basses, en Espanha (ont foguèt aquí tanben represa, en espanhòu e per Ana Belén, Vuelo blanco de gaviota) etc.[1] Paradoxalament, en Anglatèrra, la version represa per l'Anglés Marc Almond es fòrça mai coneguda que non pas la version originala de David McWilliams. David Bowie a tanben représ aquesta cançon.