Dobrir lo menú principal
 Deu pas èsser confondut amb Conselh de l'Union Europèa e Conselh d'Euròpa.

Lo Conselh Europèu designa lo som dels caps d'Estat o caps de govèrn dels vint-e-sèt Estats Membres de l'Union Europèa, jos la tutèla d'un president encargat d'aisir l'aparicion d'un compromés. Almens dos Conselhs europèus se debanan cada an, a la fin de cada presidéncia tornanta del Conselh dels ministres. -

Aqueles soms entre executius dels Estats membres an per tòca de definir los grands axes de la politica de l'Union, subretot en matèria de politica estrangièra. Servisson tanben cada cinc ans a la nominacion, a la majoritat ponderada, del President de la Comission Europèa, decision aprèp èsser validada per un vòte del Parlament Europèu.

Somari

Istòria de l'institucionModificar

Lo primièr som se reüniguèt en 1961. Lo Conselh venguèt un organ formal pendent lo som de la Comunautat Economica Europèa (CEE) de París los 9 e 10 de decembre de 1974, a l'iniciativa del president Valéry Giscard d'Estaing. L'Acte Unic ditz pas res sus las competéncias del Conselh Europèu e cal esperar lo Tractat de Maastricht per consacrar oficialament lo ròtle politic del Conselh Europèu : « Article 15 : lo Conselh Europèu dona a l'Union las impulsions necessàrias e ne definís las orientacions politicas generalas. »

Dempuèi lo començament de las annadas 2000, lo Conselh Europèu a pres d'importància, subretot en participant a l'estrategia de Lisbona elaborada per la Comission Europèa. Aquela estrategia experimenta un mode de foncionament nomenat metòde dubèrt de coordinacion visant a armonizar las politicas nacionalas.

Presidéncia del Conselh EuropèuModificar

 
Herman Van Rompuy, primièr president permanent del Conselh Europèu.

Fins al 1èr de genièr de 2010, la presidéncia del Conselh Europèu èra atribuida a l'executiu de cada Estat membre de l'Union, pendent sièis meses cadun a son torn. S'agissiá d'una presidéncia tornanta sincronizada amb aquela del Conselh dels ministres. Los cambis de president se fasián cada an, per las doas institucions dins lo meteis temps, lo 1èr de genièr e lo 1èr julhet : alara que lo cap d'Estat o de govèrn del país causit exercissiá la presidéncia dels soms, son ministre dels Afars Estrangièrs exercissiá la del Conselh dels ministres.

Amb los diferents alargaments, lo principi de la presidéncia tornanta venguèt de mens en mens aisit dins una Union Europèa amb vint-e-sèt païses. Tot en conservant la presidéncia tornanta pel Conselh dels ministres, lo Tractat de Lisbona instaurèt pel Conselh Europèu l'eleccion d'un president estable, per assegurar una visibilitat e una permanéncia a l'organ qu'assembla los caps d'Estat o de govèrn e d'aisir l'aparicion d'un compromés a l'eissida de cada som.

Lo president del Conselh Europèu dispausa d'un mandat de dos ans e mièg, renovelable un còp. Lo bèlga Herman Van Rompuy, dintrat en foncion lo 1èr de genièr de 2010, es lo primièr qu'accedís al pòste.

Sèti dels somsModificar

 
Immòble Justus Lipsius
 
Immòble Residence Palace

Fins a 2004, los Conselhs Europèus, que duran en general dos jorns, se passavan dins una vila del país que l'executiu avian la presidéncia tornanta. Dempuèi la dintrada en vigor del tractat de Niça, de febrièr de 2003, dos Conselhs per an se devián passar a Brussèlas (a la fin de cada presidéncia tornanta del Conselh dels ministres). Dempuèi lo 1èr de mai de 2004, los Conselhs Europèus se passan a l'« Immòble Justus-Lipsius » de Brussèlas, d'autra banda sèti del Conselh dels ministres. A partir de 2013, se passaràn al Residence Palace, ara en amainatjament.

ComposicionModificar

Participan a un Conselh Europèu :

Dempuèi que s'aplica lo Tractat de Lisbona, doas foncions son estadas apondudas :

Membres del Conselh EuropèuModificar

Estat Membre Representant Titre Partit politic Membre dempuèi Fotografia
 Union Europèa President
Mandat sens vòte
Herman Van Rompuy President PPE
Nacional: CD&V
1èr de decembre de 2009  
 Alemanha Angela Merkel Cancelièira PPE
Nacional: CDU
22 de novembre de 2005  
 Àustria Werner Faymann Cancelièr PSE
Nacional: SPÖ
2 de decembre de 2008  
  Belgica Yves Leterme Primièr Ministre PPE
Nacional: CD&V
25 de novembre de 2009  
 Bulgaria Boiko Borísov Primièr Ministre PPE
Nacional: GERB
27 de julhet de 2009  
 Danemarc Lars Løkke Rasmussen Primièr Ministre PLDRE
Nacional: Venstre
5 d'abril de 2009  
 Eslovaquia Iveta Radičová Primièra Ministra PPE
Nacional: SDKÚ-DS
8 de julhet de de 2010  
 Eslovènia Borut Pahor Primièr Ministre PSE
Nacional: SD
21 de novembre de 2008  
  Espanha José Luis Rodríguez Zapatero President del Govèrn PSE
Nacional: PSOE
17 d'abril de 2004  
 Estònia Andrus Ansip Primièr Ministre PLDRE
Nacional: Reformierakond
12 d'abril de 2005  
 Finlàndia Mari Kiviniemi Primièra Ministra PLDRE
Nacional: Keskusta
22 de junh de 2010  
  França François Hollande President PSE
Nacional: Pertit Socialista
15 de mai de 2012  
 Grècia Georgios Andreas Papandreou Primièr Ministre PSE
Nacional: PASOK
6 d'octòbre de 2009  
  Ongria Viktor Orbán Primièr Ministre PPE
Nacional: FIDESZ
29 de maig de 2010  
 Irlanda Brian Cowen Taoiseach PLDRE
Nacional: FF
7 de mai de 2008  
  Itàlia Silvio Berlusconi Primièr Ministre PPE
Nacional: PdL
8 de mai de 2008  
 Letònia Valdis Dombrovskis Primièr Ministre PPE
Nacional: JL
12 de març de 2009  
 Lituània Andrius Kubilius Primièr Ministre PPE
Nacional: TS–LKD
9 de decembre de 2008  
 Luxemborg Jean-Claude Juncker Primièr Ministre PPE
Nacional: CSV
20 de genièr de 1995  
 Malta Lawrence Gonzi Primièr Ministre PPE
Nacional: PN
1 èr de mai de 2004  
 Païses Basses Jan Peter Balkenende Primièr Ministre PPE
Nacional: CDA
22 de julhet de 2002  
 Polonha Donald Tusk Primièr Ministre PPE
Nacional: PO
16 de novembre de 2007
 Portugal José Sócrates Primièr Ministre PSE
Nacional: PS
12 de març de 2005  
 Reialme Unit David Cameron Primièr Ministre ACRE
Nacional: Conservative
11 de mai de 2010  
 Republica Chèca Petr Nečas Primièr Ministre ACRE
Nacional: ODS
28 de juny de 2010  
 Romania Emil Boc Primièr Ministre PPE
Nacional: PD-L
22 de decembre de 2008  
  Suècia Fredrik Reinfeldt Primièr Ministre PPE
Nacional: Moderaterna
6 d'octòbre de 2006  
 Chipre Dimitris Christofias President PEE
Nacional: ΑΚΕΛ[1]
28 de febrièr de 2008  
 Union Europèa Comission
Mandat sens vòte
José Manuel Durão Barroso President PPE
Nacional: PSD
23 de novembre de 2004  

Relacions amb las autras institucions europèasModificar

Relacions amb lo Parlament EuropèuModificar

Cada som debuta per una declaracion del president del Parlament Europèu. D'autra banda, lo president del Conselh Europèu presenta davant los parlamentaris l'activitat dels seus sièis meses de presidéncia e instaura un debat amb los deputats europèus.

Relacions amb la Comission EuropèaModificar

Lo president de la Comission Europèa participa a las reünions del Conselh Europèu. A l'eissida d'un Som, lo Conselh europèu redigís de conclusions qu'adreiça a la Comission Europèa.

Relacions amb lo Conselh de l'Union EuropèaModificar

Lo Conselh dels Ministres de l'Union Europèa prepara las reünions del Conselh Europèu e adopta, amb lo Parlament Europèu, los tèxtes juridics que realizan las orientacions fixadas pels caps d'Estat o de govèrn.

RéférencesModificar

  1. El partit a l'estatut d'observator al Partit de l'Esquèrra Europèa

Articles connèxesModificar

Ligams extèrnesModificar

  1. Lo Reialme Unit inicièt lo periòde necessari per la sortida de l'EU