Chuqi Yapu
Chuqi Yapu (aimara; Chuqiyapu en quichoa; Nuestra Señora de La Paz - Nòstra Dama de la Patz oficialament en espanhòl, generalament abreujada en La Paz) es la capitala administrativa de Bolívia, e tanben la capitala del departament de La Paz. Segon lo recensament de 2001, aviá una populacion d'aperaquí un milion d'abitants, e mai d'un milion e mièg per l'aglomeracion urbana. La Paz es situada dins una depression jos un altiplan, a una altitud de 3.600 mètres, près del riu de La Paz. Amont del plan i a la vila d'El Alto, ont se situa l'aeropòrt internacional.
|
Chuqi Yapu
Chuqiyapu / Nuestra Señora de la Paz | |||||
|---|---|---|---|---|---|
 | |||||
| La Paz, centre vila. | |||||
| |||||
| |||||
| Geografia fisica | |||||
| Superfícia | 472 km² | ||||
| Altituds · Mejana |
3 640 m | ||||
| Geografia politica | |||||
| País |  Bolívia | ||||
| Departament | La Paz | ||||
| Geografia umana | |||||
| Populacion (2008) |
877 363 ab. | ||||
| Autras informacions | |||||
| http://www.lapaz.bo | |||||
Istòria
modificarFondada en 1548 per Alonso de Mendoza subre un ancian poblamment amerindian nomenat Chuquiago, lo nom entièr de la vila foguèt, originalament, Nuestra Señora de La Paz. Aquel nom commemorava lo restabliment de la patz après l'insurreccion de Gonzalo Pizarro e los sieus companhs conquistadors, dos ans abans, contra Blasco Núñez Vela, lo primièr vicerei de Peró. En 1825, après la victòria decisiva dels republicans a Ayacucho sus l'armada espanhòla pendent las Guèrras d'Independéncia Sud-Americanas, lo nom complet de la vila se cambièt per se sonar La Paz de Ayacucho.
En 1898, La Paz foguèt convertit de facto en sèti del govèrn nacional, mentre que Sucre contunhava pas que coma capitala nominala. Aquel cambiament rebatiá lo passatge d'una economia basada sul sector minièr de l'argent de Potosí, esplechadas fins a l'agotament, a una mina nòva d'estanh près d'Oruro, e èra tanben lo reflèxe dels cambiaments derivats de la distribucion del poder economic e politic entre los desparièrs elèits nacionals.