Chaumont (Val d'Ors)
Chaumont[1][2][3] (Cháumount dins la nòrma de l'escòla dau Pò, Chiomonte oficialament en italian) es una comuna d'Occitània,[4] dins la Val d'Ors (Valadas Occitanas). Administrativament es dins la Ciutat Metropolitana de Turin e la region de Piemont de l’estat italian.
| Chaumont | |
Chiomonte  | |
| | |
 | |
| Administracion | |
|---|---|
| Estat |  Itàlia |
| Region |  Piemont |
| Província |  Turin |
| Conse | Roberto Garbati (2019) |
| Geografia | |
 | |
| Superfícia | 26 km² |
| Altitud | 750 m |
| Demografia | |
| Populacion | 851 (2022) |
| Densitat | 39 ab./km² |
| Comunas limitròfas | Ensilha, Giaglione, Gravere e Usseaus |
| Autras informacions | |
| Còdi ISTAT | 001080 |
| Còdi postal | 10050 |
| Prefixe telefonic | 0122 |
| Fèsta patronala | 20 de genièr |
| Site web | comune.chiomonte.to.it |
modificar  |
|
Geografia
modificarLa comuna s’estend mai que tot a l’envèrs ente arriba au Plan dau Frais, velh pastural que dins le sècle passat es vengut un pòst famós pel torisme de l’esquí. Es ben probable qu’en origina le vilatge se trobesse dau cant virat au solelh, au lòng del la velha via galoromana e après se sie desvelopat ente se tròba per le chambiament de traçat de la via. Es encara ben clara la part centrala d’origina medievala atraversaa da la via principala que partaja le país en quatre quartiers:
- a l’oèst Le Riu, le plus velh, marcat dau cors dau riu e au som de la part occidentala da la Pòrta de França, que a pus laissat traça;
- le quartier Fond de Juilarda;
- au centre dau país le quartier de La Plaça ente se tròben lo mai des maisons
- a l’est Le Puèi qu’es mai recent.
Dau cant de l’adreit se tròben, sus una dòuça penta au metz de vinhas, las Ramats, una anciana proprietat de l’Abadia Novalesa, abitats dempuèi l’epòca preistorica (rests retrobats a La Madalena que van dau Neolitic mai recent a la segunda Etat dau Fèrre).
Istòria
modificarL’ancian vilatge, já testimoniat ental 739 coma Camundis dins le testament d’Abbone relatiu a la fondacion de l’Abadia de Novalèisa, devaria prene son nom da la forma Caput montis o moncium, que clarzis ben l’origina. Chaumont aul es estat per ben quatre sècles la bòina dau Daufinat quand fasia partia dels Escartons fins au Tractat d’Utrecht dau 1713 ente a passat a los Savòia.
Personas ligadas a la comuna
modificar- Giorgio Des Geneys, amiral creator de la flòta del reialme de Sardenha, naissut a Chaumont en 1761
- Joan Sibille, lingüista occitan especialista dau vivaroaupenc que sos aujòus venon de Chaumont