Província d'Itàlia

La província es lo segond nivèl de division administrativa d’Itàlia, entre la region e la comuna. Es l'eiretatge de la division del meteis nom instituïda dins lo Reialme de Sardenha (decreto Rattazzi del 23 d’octobre de 1859, que s’isnpirèt del modèl departamental francés) e generalizada a tot lo país après l’unificacion.

Estat de las províncias italianas dempuèi lo 22 d'abril de 2018

     Província

     Ciutat Metropolitana

     Província de l'estatut parièr a una region autonòma

     Ciutat Metropolitana (Sardenha)

     Província regionala (Sardenha)

     Ciutat Metropolitana (Sicília)

     Consòrci Liure de Comunas (Sicília)

     Region sens província

Abans 2011, Itàlia èra subdevesida en 110 províncias, que 3 d'elas an un estatut especial (Val d'Aosta - las foncions administrativas de la província son assumidas per la region autonòma - Trent e Bolzan an de fach las competéncias de regions autonòmas) e las autras foncionavan coma de collectivitats territorialas de l'amassada (conselh provincial) e del president elegits.

Lo 4 de decembre de 2011, lo govèrn Monti, per decrèt, avièt la supression de las provincias italianas coma collectivitats localas (arrèst dels mandats en cors dels conselhièrs provincials, reduccion a 10 del nombre de conselhièrs, transfèrt cap a las regions o a las comunas dels personals e de las competéncias). Lo procès foguèt anullat per la cort constitucionala.

Aquel procès se perseguiguèt entre 2012 e 2018 per:

• la creacion de las ciutats metropolitanas que se substituísson a las províncias sul territòri provincial (efectiva a Turin e autras 7 lo 1èr de genièr de 2015, en espèra per Venècia e Reggio de Calàbria)
• la supression de las províncias de la region autonòma de Sicília e lor substitucion per de Consòrci liures de comunas (votada en 2013 pel conselh regional, en regim transitòri al començament de 2015)
• la supression de las províncias de la region autonòma de Sardenha (referendum regional aprobat en 2012, regim provisòri actualament), e son restabliment amb un nombre redusit en 2016
• la supression de las províncias de la region autonòma de Friol e Venècia Júlia, a la debuta de 2018 - lo 31 de decembre de 2017 per 3 d'elas, o 22 d'abril de 2018 per aquela d'Udine.

Lista de las províncias al 1èr de mai de 2018

Regions sens províncias

• Friol-Venècia Júlia
• Val d'Aosta