Chalets (Tolosa)
Le quartièr dels Chalets es un quartièr de Tolosa, situat fòrça prèps del centre istoric. Les limits son los baloards d'Estrasborg e d'Arcòla (al sud), le Canal de las Duas Mars (al nòrd), l'avenguda Honoré Serres a l'oèst e la carrièra Matabiau a l'èst.
Ancianament dins le barri Naut Bernat, le quartièr se devolopèt sobretot a partir de la fin del sègle XIX, aprèp la construccion de la Gara Matabiau. De grands ostals de familha de tipe neogotics i fosquèron bastits (coma los ostals de la familha Job, l'ostal dit dels veirals o Castèl Gesta); que son vesins de demoranças mai densas e mai popularas, d'ostals tolosans, e d'ostals borgeses amb jardins.
Monuments modificar
- L'ostal dit del Veirièr o Castèl dels Veirals, o Castèl Gesta es un monument istoric classificat dempuèi 1991, situat 22 avenguda Honoré Serres e carrièra Godolin. De modèls de torretas, gargolhas, balcons, quadres de pòrtas fosquèron utilizats dins d'autres « villàs castelizadas » de la vila.
Qualques rics proprietaris volguèron rivalizar amb Gesta, e, dins le quartièr, la familha Job (del nom de l'entrepresa JOB) per la construccion de
- l'Ostal Job Marsan, d'estil Renaissença, sus l'actual baloard d'Estrasborg[1].
- La font Clamença Isaura o La Poesia romanica. Plaça de la Concòrdia. La font foguèt financiada mercé a una dòna d'Octave Sage, un farmacian de la plaça[2]. Òbra de Léo Laporte-Blairsy, fosquèc inaugurada le 3 de mai de 1913 per l'anniversari dels primièrs Jòcs Florals[3]. D'estil Art novèl, mescla de representacions fòrça detalhadas, floralas (aiglentinas, violetas, gauges), e animalièras (tartugas, domaisèlas e granhòtas, de bronze, allegorias de l'esperit de las fonts) e de formas espurgadas e geometricas : conca de marbre, e enin de Clamença Isaura.
Una placa de bronze celèbra Tolosa, inspiratritz, per qualques vèrses de Ripert e de Lucien Mengaud :
- «O moun pays, O Touloso Touloso
- on aymí tas flous toun cel toun soulel d'or
- Al prep de tu l'amo se sent hurouso :
- et tout ayssí me rejouis le cor».[4]
Nòtas e referéncias modificar
- ↑ (fr)Louis Peyrusse, Le temps des projets in Toulouse, les délices de l'imitation, Bruxelles, Mardaga, 1986p. 142
- ↑ (fr)Véronique Courtade : 15 promenades dans Toulouse. tme 2006, p. 91
- ↑ (fr)Rivet-Barlangue Luce, Une "promenade d'art" dans Toulouse des années 1910, in Toulouse, pages d'histoire, Milan, 5 Continents Editions, 2006, p. 85
- ↑ grafia d'origina