Carole Delga

Carole Delga, nascuda lo 19 d'agost  de 1971 a Tolosa, es una femna politica, membra del Partit socialista francés.

Carole Delga
Presidenta del conselh regional d’Occitània
Mandat 1
4 de genier de 2016 - 2021
Predecessor	{{{predecessor1}}}
Successor	{{{successor1}}}
Elegit(ida) lo	4 genier de 2016
Biografia
Naissença	19 d'agost de 1971
	Tolosa
Decès	{{{decès}}}
Luòc de decès	{{{luòc decès}}}
Conjunt(s)
Enfant(s)
Nacionalitat	Francesa
Diplomat
Profession	Foncionària territoriala
Religion
'

Foncionària territoriala de profession, rejonhèt lo PS en 2004. Es consòla màger de Martras Tolosana de 2008 a 2014, vicepresidenta del conselh regional de Miègjorn Pirenèus (en carga de la ruralitat, dels servicis al public e de las tecnologias de l'informacion e de la comunicacion) de 2010 a 2012, deputada de la 8^ena circonscripcion de Nauta Garona entre 2012 e 2014 e en 2015 secretària d'Estat encargada del Comèrci, de l'Artisanat, de la Consomacion e de l'Economia sociala e solidària dins los govèrn Valls I e II entre 2014 e 2015. Dempuèi lo 4 de genièr de 2016 es presidenta del conselh regional d’Occitània.

Biografia

Filha unica, foguèt abarida per sa grand e sa maire dins un mitan modèste. Aquela darrièra aviá per profession secretària, puèi femna d’ostal a partir de 50 ans.

Estudis

Après un bachelierat scientific al licèu Bagatelle de Sent Gaudenç, una licéncia en sciéncias economicas e un diplòma en sciéncias juridicas a la facultat des sciéncias socialas de l'universitat de Tolosa, Carole Delga obtenguèt un master II en drech de las collectivitats localas a l'universitat de Pau e dels Païses de l'Ador. Obtenguèt lo concors d'agent territorial en 1994, e lo de l'examèn professional en 2002.

Carrièra administrativa

Foncionària territoriala a la vila de Limòtges de 1994 a 1996, encargada dels monuments istorics e arqueologics, ven enseguida la collaboratritz de Dominique Manent en Comenge. En 1998, ven directritz generala dels servicis del Sindicat de las aigas de la Varossa, del Comenge e de la Sava fins a 2005. A aquela data, intra al conselh regional de Mègjorn Pirenèus coma directritz adjoncha de l'Amenatjament del territòri. En 2007, ven tenben encargada de mission près del director general adjonch encargat de l'amenatjament del territòri, del desvelopament economic e del desvelopament sostenible. Quita lo conselh regional en 2009.

Carrièra politica

A la vila de Martras Tolosana

Son eleccion, coma cónsol màger de Martras Tolosana, en 2008, marca son intrada en politica. Es elegida al primièr torn, dins la vila de Nauta Garona que n'es originària. Es reeligida en 2014 amb 65 % dels vòtes. Lo 4 de julhèt seguent, a la seguida de sa nominacion al govèrn francés coma secretària d'Estat al Comèrci, a l'Artesanat, a la Consomacion e a l'Economia Sociala e Solidària, demissiona en favor de Gilbert Tarraube. Ocupa alara la foncion de primièra adjoncha delegada a l'administracion generala e als investiments.

Al conselh regional de Miègjorn Pirenèus

Elegida sus la lista menada per Martin Malvy a las eleccions regionalas de 2010, pren la vice presidéncia de la region, encargada de las questions de ruralitat, dels servicis al public en mitan rural e de las tecnologias de l'informacion e de la comunicacion (TIC). Après son eleccion a l'Assemblada nacionala, demissiona d'aquel pòste lo 1èr de setembre de 2012, puèi del conselh regional lo 27 de junh de 2013.

A l'Assemblada nacionala

Cadidata en 2012 dins la ochena circonscripcion de Nauta Garona, del Comenge Savés, del Partit socialista e aliats, per succedar a Jean-Louis Idiart, es elegida al primièr torn, amb 51,62 % dels vòtes exprimits, contra 18,31 % per la candidata UMP, Martine Rieu-Griffe.

Al govèrn francés

Lo 3 de junh de 2014 es nomenada secretària d'Estat delegada al Comèrci, a l'Artesanat, a la Consomacion e de l'Economia sociala e solidària dins lo govèrn Valls I, per remplaçar Valérie Fourneyron, demissionària. Torna al govèrn Valls II.

Lo 17 de junh de 2015, quita lo govèrn per començar sa campanha regionala. Es remplaçada per Martine Pinville.

Eleccions regionalas de 2015

En genièr de 2015, declara èsser candidata a la primària PS per tòca de designar lo candidat del partit per las eleccions regionalas en Lengadòc Rosselhon Miègjorn Pirenèus. Intra oficialament en campanha, coma candidata cap de lista, del Partit socialista, lo 27 de junh de 2015, a Montpelhièr.

Al primièr torn arriba segonda amb 24,41% darrièr Louis Aliot (FN, 31,83%) e davant Dominique Reynié (LR, 18,84%). E ganha lo segond torn amb 44,60% davant Louis Aliot (33,80%) e Dominique Reynié (21,60%).. Lo 4 de genier foguèt elegida presidenta del conselh regional de la novèla region Lengadòc Rosselhon Miègjorn Pirenèus, qu’es batejada Occitània lo 28 de setembre.

Ligams extèrnes

• Ficha de ministra sus gouvernement.fr
• Sa ficha sul site de l’Assemblada nacionala francesa

Precedit per	Carole Delga	Seguit per
cambiament de nom de la region	Presidenta del Conselh Regional d’Occitània 28 de setembre de 2016-	en foncion

Precedit per	Carole Delga	Seguit per
Martin Malvy	Presidenta del Conselh Regional de Lengadòc Rosselhon Miègjorn Pirenèus 4 de genièr de 2016-28 de setembre de 2016	cambiament de nom de la region

Precedit per	Carole Delga	Seguit per
Martin Malvy	Presidenta de l'Euroregion de Pirenèus Mediterranèu 4 de genièr de 2016-	en foncions