Varossa

Varossa es un sosparçan d'Occitània situat en Gasconha, que hè partida deu gran parçan de Comenge . Aquera comarca gascona pirenenca se tròba otra Garona dens la vath d'Orsa. Se situa dens la partida orientala deu departament deus Nauts Pirenèus. Lo gentilici n'es varossenc.

Era soa capitala tradicionau qu'es Maulion de Varossa, mès era populacion que's desplaça cap a Garòna e era aglomeracion mei importanta (e provedida dera gendarmaria cantonau) qu'es ara Loras de Varossa.

Toponimia

Eth nom de Varossa qu'es format deth eretèr deth latin vallis « vath » e deth nom d'Orsa, era aiga qui la travèrsa. Eth nom que's fixè abans era evolucion de -ll- en -r- ath interior deths mots e -th en finau (siquenon seré *Vath Orsa). Era fòrma intermediària *Varorsa que miè a Varossa per dissimilacion (pr'amor deras duas r).