Carmen Castán

Carmen Castán (Gabás, Aragon, 1954) ei ua escrivana e mèstra de lengua aragonesa, membre deth Consello d'a Fabla Aragonesa.

Carmen Castán
File:CarmenCastan.jpg
Naissença	1954, Gabás (Aragon)
Ocupacion	escrivana e mèstra de lengua aragonesa

Trajectòria professionala

Articles

Licenciada en filologia hispànica pera Universitat de Saragossa, a escrit diuèrsi articles, coma Una experiencia didáctica: la enseñanza del patués para adultos. Breve recorrido por el patués escrito (1996), Siete cuentos benasqueses: un mundo mágico y ancestral (1998) e Chen que charra l'aragonés benasqués en Benás en 1997 (1998).

Romans e òbres cuertes

Coma escrivana en pròsa, Castán ei autora des romans La descordada bida de Sinforosa Sarte e Cuan lo odio esbatega pe'l aire, qu'obtenguec es Prèmis Arnal Cavero en 1997 e 2003. Ath delà, a escrit d'autes òbres literàries cuertes coma L'aigua rosegui, La uló de la eschelagra, El sielo ye coma la musica (Prèmi Bila de Benás en 2000) e El somni de les tres llunas, La coba interior i El espiello, aquelas darrièras tres Prèmis El Grau en 1989, 1990 e en 1997. Enes sues istòries tracte de preservar er idiòma dera zòna e es istòries tradicionaus locaus, atau coma es ancianes costums des vilatans.

Estil literari

Enes sòns escrits se pòden destacar un estil barròc, damb descripcions exacerbades; era fatalitat inevitabla, dilhèu similara ara manèra des tragèdies grègues; era mescla dera realitat e era fantasia, de manèra similara ath realisme magic; e era preséncia constant de referéncies etnografiques; aguestes caracteristiques conjuguen era tecniciana literària damb era tradicion e es legendes dera zòna.

Guerdons

Siguec premiada damb eth prèmi El Chulet del Patués, autrejat pera Comuna de Benasc pera difusion e defensa dera parla pròpria dera val de Benasc ("Chulet" signifique guarda). Atau madeish, arrecebec eth Prèmi Aragon Identitat 2014 per part dera Fondacion Aragonesista 29 de junh.