Bròva

Bròva o benlèu Bròvas (Brovès en francés) es una anciana comuna provençala situada dins lo departament de Var e la region de Provença-Aups-Còsta d'Azur. Situada dins lo camp de Canjuers, la comuna foguèt annexada a Selhan en 1970 e evacuada en 1974.

Bròva Brovès
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas

Una carrièra de Bròva, bensai l'anciana RD 25, ara desviada.
Geografia fisica
Coordenadas	43° 40′ 51″ N, 6° 35′ 12″ E
Superfícia	34,81 km²
Altituds · Mejana	840 m
Geografia politica
Region ist	Provença
Estat	França
Region	Provença-Aups-Còsta d'Azur
Departament	Var
Arrondiment	Draguinhan
Canton	Canton de Ròcabruna d'Argenç (Faiença avant 2015, de Comps d'Artubi avans 1970)
Intercom	sènsa objècte
Comuna	Selhan
Geografia umana
Populacion (2018)	0 ab.
Densitat	0 ab./km²
Autras informacions
Còde INSEE de seccion	83024
Divèrs	anciana comuna, desabitada

Geografia

Lo vilatge se situa sus lo plan de Canjuers, au nòrd-èst dau departament de Var, a quauqua ren coma 840 mètres d'altitud, en fond de bacin endoreic.

La comuna aviá una superficia de 34,81 km²^[1].

Bròva èra au nòrd-oèst de Selhan, lo vilatge novèu de Bròva en Selhan es completament au sud, près de la RD562.

Toponimia

Mistral dona lo nom e sa prononciacion, Brovo; cita de fòrmas ancianas Brova, Broves, Broveses ^[2]. Dauzat, que coneis la prononciacion, explica que Brovedes (1036-1066) es una latinizacion, correspondant a un dobtòs *brog-id-is, qu'auriá pas pogut donar Bròva. Son explicacion es lo gau broga « limit » ---> « camp » ^[3]. Los Féniés, coma Dauzat, explican lo nom per *broga, « camp, limit » ^[4].

Per lo gallic broga, Delamarre dona de traduccions diferentas. Dins lo Diccionari de la Lenga, explica brog(i) per « territòri, region, frontiera, marcha » ^[5], dins los Noms de Luecs celtics, definís brogā per « lo camp (dau cap) » (sènsa citar Bròva) ^[6], çò qu'es confòrme a la tradicion toponimica e au Gaffiot (lo mot passèt au latin). Bensai, es una question d'epòca.

Istòria

Decidida en 1963, la creacion dau camp militar de Canjuers supausava l'evacuacion e la dissolucion de la comune de Bròva. Lo 10 d'aost de 1970, la comuna de Bròva foguèt suprimida per decret e incorporada a Selhan per fusion simpla ^[7]. Bròva èra dau canton de Comps d'Artubi ^[8] e Selhan dau canton de Faiença, mas aquò aviá ges d'importància. Lo vilatge a pas conegut d'exercici militar, d'aquí son bon estat de conservacion, mas se tròba dins lo perimètre de seguretat daus tirs ^[9].

An atribuït aus abitants un terrenh dins un masatge novèu de la comuna de Selhan, que sonèron Bròva en Selhan (en francés Brovès-en-Seillans) près de la RD562 Draguinhan-Grassa, a mai de 30 km dau Bròva vertadier. En realitat, pauc de Brovencs (gentilici supausat) i anèron viure; cau dire que sovent leis ostaus a Bròva en Selhan èran pas prèsts.

Lo 7 de junh de 1974, los 59 residents que demoravan foguèron expulsats de seis ostaus ^[10]. L'electricitat foguèt copada.

Coma per tot lo camp, es defendut au public d'anar au vilatge. Coma la RD 25, autorizada a la circulacion a condicion de s'arrestar pas, traversava Bròva, foguèt desviada.

Vista dau vilatge despuèi la RD25

Las teuladas en teulas foguèron remplaçadas per de tòlas rojas, que permeton eis ostaus d'aver pas tròp de gotieras. L'armada ensaja ansin d'entretenir lei bastiments, mas lei pèiras d'enquadrament dei pòrtas e fenèstras son pilhadas e lo vilatge menaça de s'arroïnar (videò) ^[11].