Bernat Daudijòs
Bernat Daudijòs (o d'Audijòs, Daudejòs), qu'es vadut a Couduras de cap a 1634, hilh de Joan Daudijòs e Diana de Talasac-Bahús.
Qu'estó sordat deu Rei un detzenat d'annadas abans de tornar-se'n a casa.
En 1664 qu'es lo capdau deus "Invesibles", paisans deu parçan, en susmauta contra los burèus de la gabèla que lo Colbert e vòu installar a Haget. Qu'atacan los gabelors puish de tira, que s'aplègan peus bòscs a l'entorn. Qu'es un deus purmèrs exemples de "guerilla" tau com la conéishem uei. Aqueras embuscadas que contunaràn dinc a 1670 a maugrat de las ajudas enviadas peu Loís XIV.
Autanlèu las purmèras annadas de combat, qu'a lo sosteng e l'estima de la populacion, com ac muisha aqueth testimoniatge : "Je ne puis pas savoir qui estaient ces gens invisibles, mais les gens de guerre et les gens du comboi disaient que les gens imbisibles estaient un nommé Audigeos fils de la maison de Hareou de Coudures qui estait un capdet, lequel je n'ai ni bu ni connu ; c'était un homme fort adret, je bous assure qu'il lui a bien serbi, car premièrement, il a esté cherché par tous les endroits depuis Saint Sever jusqu'aux montagnes. Défendu de par le roy par toutes les billes de ne lui aboir à bailler ni pain, ni bin, ni logement, ni munition. Je ne sabais pas ce que cela boulait dire. Je croyais que c'estait quelques dragons soubages ou infernals ; mais estant benus louger chez nous à Peboué, j'ai bu que c'étaient hommes comme les autres, et les ay fait boire de mon bin dans ma maison de Labourdette."[1]
Daudijós, acorsat, que s'endòsta en Espanha en 1666. Au mes d'aost, la soa mair e la soa sòr que son empresoadas pendent mei d'un mes.
En Espanha, Daudijòs qu'assaja d'organisar ua navera tropa, e que torna en Shalòssa. Mes ne s'i escad pas e que deut renonciar. Que damora en Espanha enqüèra ueit annadas.
Raperat peu Rei, "que hasó lo tractat de patz dab lo rei, com un aut sobiran".[2]
Tornat au junh, qu'es graciat, e que's hica au servici deu Loís XIV.
Que's marida lo 28 de genèr de 1676 dab Joana-Maria Dubordiu ; shens posteritat.
Carcat d'un regiment de cavaleria aperat l'Audijòs-Dragons (4 d'octobre de 1676), qu'es enviat en Itàlia tà defénder Messina contra los Espanhòus.
Qu'estó tuat a Messina en 1677.[3]
Adaptacions
modificar- The muskets of Gascony, per Armand Daudeyos (?), virat per JHM. Salmon, Minerva Press, 2001; ISBN 9780754112112. Roman en anglés.
- Los Invisibles, per Jean Harambat, Edicion en gascon Per Noste, 2009; ISBN 9782868660688. Benda dessenhada.
Nòtas
modificar- ↑ 1664 ; Henry de Laborde Péboué de Doasit ; Relation véritable...
- ↑ "il fust rapellé despagne, et fist le traité de paix avec le roy, comme un austre souverain" (Raymond de Laborde ; Livre généalogique de la famille de Laborde de Péboué ; 1728-1742).
- ↑ Dictionnaire biographique Mémoire des Landes ; CEHAG; 1991; p.31.
