Batariá (artilhariá)
Una batariá d'artilhariá es una unitat militara que designa un grop reduch de pèças d'artilhariá. Es sovent l'unitat de basa de l'artilhariá e lei batariás son normalament gropadas per formar d'ensembles pus importants coma de batalhons ò grops d'artilhariá. Lo tèrme es aparegut en 1381 en Portugau e foguèt popularizat durant lei Grandei Descubèrtas dau sègle XVI. Durant la Premiera Guèrra Mondiala (1914-1918), lei premiereis unitats de carris foguèt tanben dichas « batariás » car èran estacadas a l'artilhariá. Pasmens, uei, aquel usatge es abandonat car lei blindats fan partida d'autreis armas. Enfin, lo tèrme pòu designar una posicion fortificada destinada a acuelhir au mens una pèça d'artilhariá.
