Batalha d'Uman
La batalha d'Uman se debanèt dins lo corrent de la Segonda Guèrra Mondiala entre lo 15 de julhet e lo 8 d'aost de 1941. Aguent luòc durant lei premierei setmanas de l'invasion alemanda de l'Union Sovietica (Plan Barbarossa), opausèt doas armadas sovieticas dirigidas per lo marescau Semyon Budyonny au Grop Sud deis armadas alemandas comandat per lo generau Gerd von Rundstedt.
Assaiant de protegir Kiev, lei Sovietics organizèron una tiera de còntra-ofensivas per arrestar l'invasion. Pasmens, aquò empachèt aquelei fòrças de se retirar per defugir un enceuclament entraïnat per lei succès alemands sus plusors ponchs dau frònt. Una partida importanta dei fòrças sovieticas foguèron ansin anientadas per leis Alemands causant la pèrda d'aperaquí 203 000 òmes (100 000 tuats ò bleçats, 103 000 presoniers), 317 carris e 858 canons. De son caire, la Wehrmacht perdiguèt solament 21 000 òmes (4 600 tuats, 15 500 bleçats e 800 presoniers ò dispareguts). Sa victòria li permetèt tanben d'atacar dirèctament Kiev e lo rèsta d'Ucraïna onte capitèt d'enceuclar tornarmai d'importantei formacions de l'Armada Roja.
Liames intèrnes
modificarBibliografia
modificar- (en) Ernest Léderrey, Germany's Defeat in the East: The Soviet Armies at War, 1941–1945, The War Office (1955).