Basa de lançament de Cap Canaveral

La basa de lançament de Cap Canaveral, oficialament Cape Canaveral Air Force Station (CCAFS), es la principala basa de lançament de fusadas americanas. Aquel establiment de l'United States Air Force es situat a Cap Canaveral dins l'Estat de Florida. Foguèt creat en 1950 pour realizar los ensages de fusadas de longa portada en tota securitat. Foguèt utilizat puèi, pels ensages dels missils balistics e dels missils de crosièra.

Quora l'astronautica prenguèt son vam en 1957, las installacions de lançament de la basa foguèron mesas a contribucion. Es de Cap Canaveral que partiguèron las primièras fusadas emportant de satellits e de sondas espacialas e las missions abitadas dels programas Mercury e Gemini.

La NASA, après aver utilizat d'un biais exclusiu las installacions de l'Armada de l'Aire, causiguèt de crear sas pròprias installacions sus Merritt Island, de l'autre costat de la Banana River que los separant : lo complèxe de lançament 39, adaptat a la dimension de las fusadas lunàrias del programa amb un ensemble d'installacions amassadas al sen del centre espacial Kennedy. La NASA contunha pasmens d'utilizar las airas de lançament del centre de Cap Canaveral per totas las missions non abitadas.

Uèi, la màger part de las airas de lançament bastidas al fial dels ans sus la basa (una quarantena) son desafectadas. Solas 4 d'entre elas an una activitat significativa, cadunas consacrada a une familha de lançaires : Delta IV, Atlas V, Delta II e lo novèl lançaire Falcon 9. L'activitat astronautica americana coneguèt una descreissença importanta en 2000 puèi reprenguèt en 2014 amb mai de 15 lançaments per an dempuèi Canaveral. Los lançaments sus orbita polara son réalizats dempuèi la Vandenberg Air Force Base sus la còsta de Califòrnia.