Bòrshch

Lo bòrshch es una sopa de legums mai que mai ucraïniana, qu'en general compren de bledarabas, element essencial que li dona sa color viva roja. D'autres ingredients suplementaris abituals, segon la preparacion, son las mongetas, lo caulet, las carròtas, los cogombres, las trufas, las cebas o tomatas) que son cuèch mai sovent separadament de la bledarava. Òm i pòt apondre tanben de campairòls e de la carn (polet, pòrc o buòu).

Una sieta de bòrshch amb de crèma fresca.

Es comunament admes que lo bòrshch ven a l'origina d'Ucraïna, mas fa partit tanben de l'eritatge culinari local de plusors païses de l'èst e del centre d'Euròpa. Lo potatge es dit barščiai en Lituania, barszcz en Polonha, боршч en Bielorussia, борщ en Russia e Ucraïna.