Aimar Arlòt de Sensaut
Joan-Maria, Ipolit, Aimar Arlòt de Sensaut (en francés Aymar Arlot de Saint Saud), nat a Coulonges-sur-l'Autize, lo 17 de feurier de 1853-1951, es subretot conegut coma un daus grands pireneïstas dau segle XIX. Fuguet maitot un explorator e cartografista de la chadena daus Pirenèus de las serras aragonesas e catalanas, e, maitot, de la chadena iberica Cantabrica, mai que mai los ranvers (parçans, ròdols o environs) daus Picos de Europa.
Biografia
modificarLo comte Aimar Arlòt, de nòbla ascendéncia d'una granda familha de Perigòrd (vejatz Sensaut e La Cossiera) nasquet en 1853 a Coulonges-sur-l'Autize dins lo departament francés de las Doas Sevras en país d'Oïl.
La soa familha davalet a Bordèu ente Aimar faguet los seus estudis segondaris e son Drech a l'Universitat de Bordèu. Venguet un jurista e un magistrat, coneguet un temps l'accion politica dins lo partit monarquista d'alara. Aimar Arlòt fuguet subretot mai conegut per la soa activitat d'explorator de las montanhas, e subretot las daus Pirenèus e de la Peninsula Iberica coma la chadena daus monts Cantabrics.
Prumiers contactes emb la montanha e d'autres pireneïstas renomats. Fuguet un daus prumiers sòcis fondators dau Club Aupenc Francés e, en particular, de la soa seccion dau Sud-Oest (una region que recobririá auei los massius pirenencs de las regions d'Aquitània, Mieijorn-Pireneus e daus departaments d'Aude e daus Pireneus Orientaus de la region de Lengadòc-Rosselhon).
Lo comte Aimar Arlòt de Sensaut trabalhet maitot au desvolopament de l'excursionisme e escorregudas de montanha dins la chadena daus Pireneus, prèp de Luishon, dau Gaube e Vath de Lutorn.
Sa contribucion cartografica
modificarExploret la Cadena Cantabrica e Picos de Europa, coma Paul Labrouche e François Bernat-Salles.