Avar

L'avar es una lenga caucasenca del nòrd-èst parlada en Russia, en Azerbaitjan e en Turquia.

Avar

Авар мацI — магIарул мацI
Locutors	306 000
Classificacion lingüistica
Avar
Estatut oficial
Oficial de	Daguestan
Estatut de conservacion
Atudat EXExtinct (Atudat) Menaçat CRCritically endangered (En dangièr critic) SESeverely endangered (En dangièr sevèr) DEDevinitely endangered (En dangièr definitiu) VUVulnerable (Vulnerable) Segur NENot Endangered (Non en dangièr) ICHEL Red Book: Vulnerable Classada coma lenga vulnerabla (VU) per l'Atlàs de las lengas menaçadas dins lo mond
Còdis lingüistics
ISO 639-1	av
ISO 639-2	ava
ISO 639-3	ava
Ethnologue	ava
Glottolog	avar1256
UNESCO	1069
IETF	av

Localisacion

L'avar es parlat dins la Republica de Daguestan, dins lo Caucàs rus. D'autres avars vivon en Azerbaitjan. La lenga es tamben parlada en Turquia, ont vivon benlèu 10 000 avars, descendents d'exiliats arribats al XIX sègle, après la conquista russa del Caucàs.

Classificacion e dialèctes

L'avar es classificat dins la familha de las lengas caucasencas del nòrd-èst, ont forma lo grop avaroandi amb l'akhvakh, l'andi, lo bagwalal, lo botlikh, lo chamalal, lo godoberi, lo karata e lo tindi.

Los dialèctes avars son partejats en dos grops. Los dialèctes del nòrd son lo salatau, lo khonzakh e l'avar de l'èst. Los dialèctes del sud son lo gid, lo batlukh, l'antsokh, lo zakatal, lo karakh, l'andalal, lo kakhib e lo kossor. La lenga literària es basada sus los dialèctes del nòrd.

Fonts

• (ru) M. E. Alekseyev, 1999, Avarskiy iazyk, dins G. Klimov (ed.) Iazyki Mira - Kavkazskie iazyki, p. 203-216, Moscòu, Akademia.
• (de) Georgij A. Klimov, 1994, Einführung in die kaukasische Sprachwissenschaft (traduch del rus per Jost Gippert), Hamborg, Helmut Buske Verlag.