Caucàs

Caucàs (en rus: Кавказ, en azèri: Qafqaz, en georgian: კავკასია e en armèni: Կովկաս) es una cadena de montanhas a las confinhas d'Euròpa e d'Asia, entre la mar Negra e la mar Caspiana. Son pendís nòrd es en Russia mentre que la part meridionala se tròba en Georgia e en Azerbaitjan. Son ponch culminant es lo mont Elbrós, qu'atenh 5642 m.

Las cimas de Caucàs, vistas dempuèi un satellit

Lo nom Caucàs designa tanben la region d'Eurasia que se tròba a l'entorn d'aquela fila de montanhas e que compren mai que mai l'extrèm sud de Russia, Georgia, Azerbaitjan e eventualament Armenia.

Lo gentilici es caucasenc -a.