Auta Ribagòrça
L'Auta Ribagòrça es una comarca pirenenca situada al sud de la Val d'Aran, a l'oèst del Palhars Sobeiran e al nòrd del Jusan. A ponent limita amb la comarca omonima de l'Aragon (vejatz Ribagorça). La comarca foguèt creada per lei l'an 1987, amassa amb lo Pla d'Urgèl e lo Pla de l'Estany e, fins alavetz e dempuèi la division comarcala de 1936 aviá fach partida del Palhars Jusan, levat de la nòva division comarcala facha en 1939.
| Administracion | |
|---|---|
| Capitala | El Pont de Suert |
| Geografia | |
  | |
| 42° 27′ 48″ N, 0° 49′ 47″ E | |
| Estat | Espanha |
| Comunautat autonòma | Catalonha |
| Província | Lhèida  |
| Superfícia | 426,9 km²[1] |
| Demografia | |
| • Totala | 3 802[2] ab. (2019 ) |
| • Densitat | 8,91 ab./km² |
| Gentilici | Ribagorçan, ribagorçana |
| Economia | |
| Sit web | www.altaribagorça.cat |
Amb aquela creacion se recuperava, doncas, una comarca qu'èra ja estada creada en 1939, en la division comarcala efemèra entrepresa per la Generalitat republicana pauc abans la fin de la Guèrra Civila, e qu'èra totjorn estada considerada coma tala en los domenis academics e scientifics, malgrat que los estaments politics l'ignorèsson. De tot biais, e en quitant de banda lo conflicte possible amb las municipalitats ribagorçanas d'administracion aragonesa que se son compresas tradicionalament dins l'Auta Ribagorça, la comarca actuala a perdut un bon nombre de municipalitats, per causas divèrsas, coma se pòt veire dins la lista seguenta:
- Barruera: inclusion en la municipalitat de la Vall de Boí (1965)
- Benés: inclusion en la municipalitat de Sarroca de Bellera, del Palhars Jusan (1972)
- Durro: inclusion en la municipalitat de la Vall de Boí (1965)
- Espluga de Serra: inclusion en la municipalitat de Tremp, del Palhars Jusan (1970)
- Llesp: inclusion en la municipalitat de el Pont de Suert (1970)
- Malpàs: inclusion en la municipalitat de el Pont de Suert (1970)
- Sapeira: inclusion en la municipalitat de Tremp, del Palhars Jusan (1970)
- Viu de Llevata: inclusion en la municipalitat de el Pont de Suert (1970).
| Entitat de poblacion | Abitants |
|---|---|
| La Vall de Boí | 1080 |
| El Pont de Suert | 2553 |
| Vilaller | 699 |
Toponimia
modificarSegon Joan Coromines " a tres familhas cultas, ligadas al país (...), l'ai entendut prononciar ambe ó barrada e usat generalament coma femenin. Cal qu'aqueste timbre siá lo primitiu, puèi que coïncidís ambe l'abséncia constanta de diftongason en aragonés e en castelhan. D'un autre costat correspond a la fòrma Ripacurtia, -cia, que predomina en bas latin de totas las epòcas (...). I a pas cap de dobte que lo primièr element es lo latin r i p a, ambe lo sens especific qu'a auèi riba a nòstra comarca, es a dire 'pendent format per un esbodenament de tèrra gipsosa o argilosa" (...) me sembla clar que la segonda mitat de Ribagorça deu derivar del vèrbe c u r t a r e, 'talhar' ". E Joan Coromines precisa per justificar son explica: "los esbodenaments son extraordinàriament frequents auèi a tota la Ribagorça, plan mai encara qu'a la Conca de Tremp vesina". Ne resulta que la prononciacion occitana deu èsser [u], equivalent de l'ó barrada en catalan, e l'escritura o, sense accent, coma dins "penosa" o dins "Saragossa".
Nòtas e referéncias
modificar- Joan Coromines, Estudis de Toponímia catalana, volum II, pp. 137-141, Biblioteca filològica Barcino, 1970.
- ↑ URL de la referéncia: http://www.idescat.cat/pub/?id=aec&n=203.
- ↑ URL de la referéncia: http://www.idescat.cat/pub/?id=pmh&n=446&geo=com:05.