Ashkenazim

Leis ashkenazim (ebrieu: אשכנזים) son lei jusieus venent d'Alemanha, de Polonha, de Russia, d'Àustria-Ongria, dau nòrd de França e pus generalament d'Euròpa Centrala e de l'Èst. An una lenga que li es pròpria, lo yiddish, qu'es una lenga derivada de l'alemand enriquida d'emprunts a l'ebrieu, au polonés e au rus. Sa liturgia es probablament influenciada per lei culturas pròchas dins aquelei país. Lo mot d'Ashkenaz designava lei tèrras que s'estendián en delà de Ren donc en Alemanha. Dins leis autors ebrieus de l'Edat Mejana, aquest meteis mot designava lei país germanics e d'Euròpa centrala, tèrras que lei jusieus començavan de s'i installar.

Jusieus pregant dins la sinagòga durant lo Yom Kipur, per Maurycy Gottlieb, una representacion de la comunauta/t ashkenazí de Viena en Àustria au sègle XIX.

Dins la Bíblia, Ashkenaz designa a l'origina leis escitas e sei país.

Lei populacions jusievas ashkenazís an viscut dins aquestei domenis dempuei lo sègle X. S'estima que leis ashkenazís representavan 3% de la populacion jusieva mondiala au sègle XI.