Artilhariá de sètge
L’artilhariá de sètge es una branca anciana de l'artilhariá. Forma de pèças pesucas capablas de tirar de projectils poderós, èra destinada a atacar lei vilas, lei fortificacions e leis infrastructuras enemigas durant un sètge. Pasmens, l'artilhariá de sètge èra generalament pauc mobila e son utilizacion necessitava la mesa en plaça d'una logistica complèxa. Aquela manca de mobilitat entraïnèt son declin après l'aparicion de pèças d'artilhariá motorizada capablas d'assegurar plusors missions diferentas. Ansin, après 1945, lei grandei poissanças militaras abandonèron lo concèpte de l'artilhariá de sètge au profiech de batariás de pèças d'artilhariá mobilas e polivalentas ò de missils.
