Smilax aspera
fuèlhas e fruchs
| Règne | Plantae |
|---|---|
| Division | Magnoliophyta |
| Classa | Liliopsida |
| Òrdre | Liliales |
| Familha | Smilacaceae |
| Genre | Smilax |
| Òrdre | Liliales |
|---|---|
| Familha | Smilacaceae |
L'ariège (var. sarsaparrilha, salsaparelha[1]), (Smilax aspera L.) es una planta monocotiledonèa qu'aparten al genre Smilax, que fa partida de l’òrdre de las Liliales e de la familha de las Smilacacèas.
Lo genre Smilax compta 350 espècias dins lo mond. D’autras espècias son utilizadas a de fins medicinalas, coma Smilax china L.
Descripcion
modificar
L'ariège es un arbrilhonet o liana vivaça. Mesura d'1 a 3 m de naut e possèda una tija volubila, linhosa, rameluda e espinosa. Sas fuèlhas altèrnas, persistantas, lusissentas, son en forma de còr o de pica, e amb dos estipuls transformats en vedilhas. Lo limbe coriaci es percorrit de 5 a 7 nervaduras de traça pseudo parallèl se jonhant a la cima, mas, qu'es excepcional per una monocotiledonèa, amaçat per un malhum de nervaduras secondàrias. Lo bòrd del limbe es espinós.
Es una planta dioïca, de flors pichonas, blanc jaunenc, reünidas en pichonas ombèlas. Los fruchs pichons e globuloses, a vegada ovals, semblan a de groselhas, son roge escur. La planta conten de saponinas.
Florason d’agost a octobre en region mditerranèa. Lo fruchs maduran en novembre decembre.
Qualques sosespècas son a vegadas distingadas :
- S. aspera subsp aspera
- S. aspera subsp balearica
- S. aspera subsp mauritanica
- S. aspera subsp nigra
Espandiment e abitat
modificarAquela espècia buta dins las tèrras sècas en Mexic, en Orient Mejan, en Africa centrala (Republica Democratica de Còngo, Kenya, Etiopia), en Asia centrala (Índia, Botan, Nepal) e en Euròpa dins las regions mediterranèas.
La liana, tròp solida per èsser trencada de la man, contribuís a far la garriga lengadociana dificilament penetrabla.
Utilizacions
modificar
Planta medicinala, utilizada en cas de raumatisme e de malautiá de pel (eczèma, psoriasi), mas tanben en cas de gripa, anorexia o gota. A una accion diuretica e diaforetca, car activa la circulacion. Solas las racinas son utilizadas, e sas grana, se son pas vertadièrament toxica, totun son pas consomablas.
La planta es tanben consomada per sa vertuts fortificantas e afrodisiacas en Mexic e Amazònia per tal de far créisser la virilitat e tractar los trebolums de la menopausa. Es utilizada dins lo tractament de problèmas respiratòris e de la sifilis.
Nòtas e referéncias
modificarVejatz tanben
modificarArticles connèxes
modificarLigams extèrnes
modificar
- Modèl:Belles fleurs de France2
- Referéncia Modèl:EFloras/labèl : Smilax aspera (en)
- Referéncia Modèl:EFloras/labèl : Smilax aspera (en)
- Referéncia Catalogue of Life : Smilax aspera L. (en)
- Referéncia Tela Botanica (França metropolitana) : Smilax aspera L., 1753 (fr)
- Referéncia NCBI : Smilax aspera (en)
- Referéncia GRIN : espècia Smilax aspera L. (en)