Aleksei Navalni

Aleksei Anatolievich Navalnyi (en rus: Алексе́й Анато́льевич Нава́льный; 4 de junh de 1976 - 16 de febrièr de 2024) foguèt un jurista, politician e activista financièr rus. Après 2009, sa popularitat cresquèt d'un biais enòrme en Russia, e subretot dins los mejans de comunicacion del país e internacionals, coma un critic ferotge de la corrupcion dins la societat russa e a l'encòp del president Vladímir Putin. Capitèt d'organizar de manifestacions multitudinàrias en favor de la democracia e contra la corrupcion politica, contra lo govèrn de Putin, e sos aliats politics. En 2012, lo jornal american Wall Street Journal lo descriguèt coma «l'òme que mai paur fa a Vladímir Putin».

Aleksei Navalni

(2011)
Nom	(ru) Алексей Анатольевич Навальный
Biografia
Naissença	4 de junh de 1976 Butin
Mòrt	16 de febrièr de 2024  (47 ans) IK-3 Kharp
3 Cap de Russia del Futur
28 de març de 2019 – 17 de genièr de 2021 ← Ivan Zhdanov – Leonid Volkov →
1 Cap de Russia del Futur
17 de novembre de 2013 – 19 de mai de 2018 – Ivan Zhdanov →
Donadas personalas
Residéncia	Moscòu (–2021)
Grop etnic	Russes e Ucraïnians de Russia
Ideologia politica	anticorrupcion, Liberalisme, democracia libera e europeisme
Religion	Ortodoxia
Formacion	Universitat de las finanças del govèrnament rus finance (1999–2001) Universitat de Yale (–2010) Universitat russa de l'Amistat dels Pòbles jurisprudéncia (–1998) Yale World Fellows
Auçada	1,89 m
Activitat
Politica, jurisprudéncia, oposició (ca) , drets (ca) e oposició a Vladímir Putin a Rússia (ca)
Profession	òme politic, avocat e activista (ca)
Partit	Yabloko Partit del Progrès Russia del Futur
Trabalha per	Fondacion Anticorrupcion Aeroflot  (2012 -  2013)
Artistas relacionats	Ruslan Chaveddinov
Òbras principalas	Un palatz per Potin e Non apelar-lo Dimon
Autres
Descendéncia	Daria Navàlnaia, Zakhar Navalni
Maire	Liudmila Navàlnaia
Paire	Anatoli Navalni
Fraires	Oleg Navalni
Condemnat per	apropriacion indeguda (2013) frauda (2014) extremisme (2023)
Prèmis
(4 d'abril de 2024)  premi Dresden (ca) (2023)  Prèmi Günter Walraff (2023)  Bambi (2022)  Prèmi del Cortage Civic (6 d'octobre de 2021)  Prèmi M100 Mèdia (octobre 2021)  Prèmi Sakharov per la Libertat de Consciéncia (2021)  Prèmi Bòris-Nemtsov (2021)  Prèmi Cavalièr de Libertat (2021)  Prèmi del Coratge (2018)  Play Boton d'Aur (2017, 2021)  Time 100 (2016)  Play Boton d'Argent (2015)  Prèmi de la Platafòrma de la Memòria e la Consciéncia Europèas (2011)  FP Top 100 Global Thinkers (2009)  Persona de l'An  The BOBs
Signatura
Site web	navalny.com

En julhet de 2013, la justícia russa jutgèt que Navalnyi èra estat copable d'aver desviat d'argent. Foguèt doncas condemnat a cinq ans de preson, jutjament que foguèt denonciat pels Estats Units e l'Union Europèa coma un procès politic per encausa de son oposicion al regim.

En decembre de 2016 Navalnyi comencèt sa campanha electorala per las eleccions presidencialas de 2018, mas ne faguèt empachat per la Comission electorala russa en decembre de 2017. El e sos seguidors foguèron arrestats victims d'atacas en mai d'una ocasions durant la campanha.

En agost de 2020, Navalnyi foguèt espitalizat dins un estat grèu après èsser estat empoisonat al «Novichok». Foguèt evacuat medicalament a Berlin e demòra espitalizat un mes. Navalnyi acusa lo president Putin d'èsser responsable de son empoisonament e una enquèsta incrimina d'agents del Servici Federal de Securitat (FSB). En genièr 2021, Navalnyi tornèt en Russia; es sul pic arrèstat per violacion de son contraròtle judiciari. En agost de 2023, Navalnyi foguèt condemnat a 19 ans de preson suplementàrias per «extremisme», e demorèt donc internat fins a sa mòrt.

Lo 16 de febrièr de 2024, foguèt declarat mòrt «al tornar d'una passejada». Segon mantunas fonts, sa mòrt es suspècta e pòt èsser causada per un assassinat.

Lo 29 de setembre de 2024, lo mèdia d'investigacion russa The Insider rend publicas las pròvas de l'empoisonament d'Aleksei Navalnyi en preson.