Addis Abeba

Finfinee
አዲስ አበባ
Āddīs Ābebā

País	Etiopia
Superfícia	530 km²
Populacion	2 757 729 (2005)
Latitud	9° 1' N
Longitud	38° 44' È
Localizacion de la ciutat en Etiopia

Finfinee (nom original en oromo; en amharic: አዲስ አበባ, Āddīs Ābebā "flor novèla") es la capitala d'Etiopia e de l'Union Africana. Ten a l'encòp l'estatut de ciutat e lo d'un estat. La ciutat albèrga mai de 80 nacionalitats e 80 lengas, e de comunautats crestiana, musulmana, e jusieva. La ciutat es localizada a 9,03° Nòrd e 38,74° Èst. Son punt pus bas, a l'entorn de l'Aeropòrt Internacional Bole, es a 2326 m en dessús del nivèl de la mar dins la periferia sud, mas la vila atenh mai de 3000 m dins las Montanhas Entoto al nòrd.

Lo site foguèt causit per l'emperairitz Taytu Betul e la ciutat foguèt fondada en 1886 per son marit, l'emperaire Menelik II, e ten ara una populacion d'aperaquí quatre milions, e un taus de creissença annala de uèit del cent.

La ciutat s'espandís al pè del Mont Entoto, e albèrga l'Universitat d'Addis Ababa ancianament coneguda coma Universitat Haile Selassie I, del nom de l'ancian emperaire d'Etiopia.