Abadiá de Sant Miquèl de Galhac

L'abadiá de Sant Miquel de Galhac es una anciana abadiá benedictina.

Abadiá de Sant Miquèl de Galhac

Donadas
Tipe	Anciana Abadiá
Dedicat	Miquèl
Caracteristicas
Estil	Romanic
Localizacion geografica
Estat	França
Division territoriala francesa	França metropolitana
Region francesa	Occitània
Departament	Tarn
Comuna francesa	Galhac
Format per	glèisa Sant Miquèl de Galhac
monument istoric inscrit (1994)
Activitat
Religion Catolic roman

L'abadiá de Sant Miquèl de Galhac dempuèi la riba esquèrra de Tarn

Origina

Foguèt fondada en 972, quand l'avesque d'Albi configuèt un domeni als benedictins per que i fondèsson una abadiá. S'installèt sus las ribas de Tarn sus de tèrras que foguèron ocupadas dins l'Antiquitat per una villa galloromana.

Desvolopament e edat astrada

Lo terren foguèt desbosigat e avalorat. En primièr amb de culturas alimentàrias puèi lèu la vinha ja plantada pels Romans ne fa un vam important. Un pòrt foguèt creat sus Tarn per exportar lo vin cap a Bordèu. Lo domeni dels monges es pauc tocat per la politica de la tèrra brutlada menada pendent la crosada contra los Albigeses al contrari dels bens del comte Raimon VI de Tolosa. La patz de retorn, lo comèrci del vin recomencèt. Sos revenguts permetèron de tornar bastir en partida de l'abadiá en 1273. En 1524, foguèt secularizada, un capitòli de canonges remplacèt la comunautat, mas lo titre abadial foguèt conservat.

Decadéncia

La guèrra de Cent Ans puèi l'epidemia de pèsta negra arroïnèron la vila: perdèt la mitat de sa populacion e le comèrci del vin s'arrestèt. Entre 1562 e 1572, pendent las guèrras de religion la vila patiguèt dels combats entre catolics e protestants. S'acabèron en 1572 per un chaple de protestants. Aqueles darrièrs foguèron getats per las fenèstras de l'abadiá e tuats dins lo Tarn par de batelièrs.

Segonda edat astada

L'abadiá foguèt tornada bastida e decorada entre 1570 e 1620. Amb lo comèrci del vin e lo vam de la cultura del pastèl, l'abadiá tornèt al vam.

Fin de l'epòca eclesiastica

Lo domeni se vendèt coma ben nacional pels revolucionaris a partir de 1789.

L'abadiá al sègle XXI

• Glèisa abadiala: la glèisa de Sant Miquel es lo sèti d'una parròquia de Galhac
• Clastras: cort que materializa la plaça de las ancianas clastras.
• Bastiments de l'anciana abadiá: foguèron restaurats. Abrigan un musèu sus l'arqueologia, la navigacion sul Tarn, lo vinhal, lo companhonatge, e las tradicions e arts popularas, l'ostal dels vins de galhac e un cavòt de tastar.

Annèxes

Articles connèxes

• Tarn (departament)
• Vila de Galhac e vinhal de Galhac.

Ligams extèrnes

• (fr)Site de la vila de Galhac.