Autorota A75
|
A75
| |
|---|---|
| Nom | A75 |
| Ròta europèa | E11 |
| Començament | Clarmont-Ferrand (N71) |
| Interseccion | (N9) a Maciac (A71) prèp de Clarmont-Ferrand (N88) a Severac (A750) (N109) a Seiraç |
| Fin | Besièrs (A9) |
| Longor | 335 km |
| Vilas principalas | Clarmont-Ferrand, Suire, Sant Flor, Sanch Eli d'Apchièr, Maruèjols, Milhau, Lodeva, Pesenàs, Besièrs |
| |
L'autorota A75, La Meridiana, es une autorota prolongant l'A71 de Clarmont-Ferrand a Besièrs. Amb un punt a 1 121 mètres, l'A75 es una de las autorotas pus nautas d'Euròpa[1].
Descripcion Modificar
L’autorota A75, longa de 335 km, travèrsa sièis departaments: Puèi de Doma, Naut Léger, Cantal, Losera, Avairon e Erau. En mai de son ròtle major d'agençament del territòri, l’autorota A75 es un malhon important del malhum rotièr de França.
Es, d’un latz, un novèl axe de transit nòrd sud facilitant los trajèctes entre l’Euròpa del Nòrd e la region parisenca e Espanha e l’oèst de la faciada mediterranèa de l'autre. S’agís doncas d’una alternativa a las autorotas de la val de Ròse e de l’arc lengadocian :
- París – Besièrs (per Clarmont-Ferrand e l’A75) : 721 km
- París – Besièrs (per Lion, l’A7 e l’A9) : 778 km
Complèta encara lo malhum autorotièr en s'integrant al malhum constituit per l’A71 (Orleans – Clarmont-Ferrand), l’A89 (Bordèu – Clarmont-Ferrand – Lion) e la RN 88 (Lion – Tolosa).
Encara, l’autorota A75, que son còst s’elèva a 2,2 miliards d’èuros (o 6,5 milions d’èuros per quilomètre), es tota entièra gerida per la DIR Massif central, doncas sens peatge (levat lo viaducte de Milhau, concedit a Eiffage e lo racordament amb l'A9, concedit a ASF).