Una autorota—tanben apelada una autopista, autovia o autostrada—es una via de comunicacion rotièra de cauçadas separadas, reservada a la circulacion rapida de veïculs motorizats (automobilas, mòtos, camions). Comporta pas cap de crosadas e es accessibla per de punts adobats dins aquela tòca que li dison escambiadors.

Autorota A5 (Ila-de-França, França)

Una definicion internacionala del concèpte de l'autorota es estada definida al moment de la convencion de Viena que foguèt seguida per mai d'un païses europèus. Los païses qu'an pas signat utilizan de panèls locals coma en America o en Asia.

La primièra autorota del monde (Autostrada en italian), foguèt l'autorota dels Lacs, que foguèt bastida en 1924 per religar Milan a la region dels lacs (77 km).