World Trade Center

Lo World Trade Center (Centre del Comèrci Mondial) de Nòva York èra un complèxe de sèt edificis situat dins la part sud de l'isla de Manhattan (en anglés: Lower Manhattan), celèbre mai que mai per sas torres bessonas o Twin Towers, e per l'atemptat de l'11 de setembre de 2001 que las tombèt. Quand tombèron las torres (sonadas WTC 1 e WTC 2) los autres gratacèls menors (WTC 3, WTC 4, WTC 5, WTC 6 e WTC 7) tanben foguèron destruïts o destrantalhats d'un biais desreversiu, e doncas abatuts los meses seguents.

Las Torres Bessonas (Twin Towers) quand s'enauçavan encara dins lo cèl de Manhattan

Las Twin Towers

Las torres bessonas foguèron bastidas per l'arquitècte nipoamerican Minoru Yamasaki entre 1966 e 1977. Cada torre aviá una aira de 400 000 m². S'agissiá fin finala (amb lo Pentagòn e la Muralha de China) de l'òbra mai impausanta que construiguèron jamai los òmes sus la Tèrra.

L'11 de setembre

Cap a las 9 oras del matin de l'11 de setembre de 2001, dos avions de linha (de l'American e de la United Airlines) s'espotiguèron, l'un qualques minutas après l'autre, contra las doas torres, en i causar un incendi e la destruccion parciala de mantun nivèl. Après doas òras las doas torres se son afondradas, causant la mòrt de 2817 personas.