Wikipèdia

Wikipèdia:Lista dels articles non neutres/Desacòrdi de neutralitat/Calandretas

< Wikipèdia:Lista dels articles non neutres | Desacòrdi de neutralitat
(Redirigit dempuèi Wikipèdia:Lista/Calandretas)
  • Aquesta pagina servís a presentar los punts non neutres de la pagina per ne discutir per las melhorar.
  • Dins aqueste genre de debat, lo ton a lèu tendéncia a montar. Mercés de totjorn demorar cortés, quitament amb los qu'an un punt de vista opausat al vòstre.
  • Aquesta pagina pòt ja aver servit a una controvèrsia precedenta. Mercés de seguir las instruccions çai aprèp, se mestièr fa.
  • Lo bendèl de non-neutralitat pòt èsser levat un còp que totes los contributors de l'article son d'acòrdi.
  • Ligams utils : Neutralitat de punt de vista, Questions frequentas, Guida practic.
  • important : doblidetz pas d'ajustar lo ligam vèrs aquesta pagina dins la pagina principala dels articles de neutralizar !

Article(s) concernit(s) : Calandretas

Prepausat per : Cedric31 (d) 28 de decembre de 2007 a 12:42 (UTC)

modificar

Problèmas de non-neutralitat

modificar

indicatz çaijós los problèmas rencontrats dins aqueste article

D'aprèp l'utilizaire anonim : 90.41.246.149, "lo capitol 'la question del bilinguisme' amb las rubricas 'discors oficial/discors critic' es completament vergonhos. S'apieja sus lo vejaire d'un tipe qu'a una dent contra Calandreta, aquò se vei e sentis l'embolh".

Al mes d'abril passat, de contributors avián ja evocat lo problèma dins la pagina de discussion de l'article.

Proposicions per la neutralizacion

modificar
  • Ai mes en amagatal lo passatge que fa allusion a de problèmas de gestion dels salariats. Pas de fonts verificablas, e pas d'interès enciclopedic. Cedric31 (d) 28 de decembre de 2007 a 14:06 (UTC)
  • Siáu d'acòrdi per suprimir un passatge polemic subre lei salariats perque manca de referéncias: es verai que l'interès enciclopedic es limitat (ara per ara, dins la mesura que s'agís pas d'un problèma collectiu particularament conegut). Per còntra, lo fach que i aja una partida "discors oficiau" e una autra partida "discors critic", me sembla qu'es una bòna solucion de neutralitat perque presenta de ponchs de vista diferents e equilibrats.--Aubadaurada (d) 7 de genièr de 2008 a 16:42 (UTC)
  • Doncas, ai suprimit aquesta frasa. Comprèni pas tròp l'interès del pertatge de l'article en doas partidas. Prepausi, puslèu d'èsser mai prudent en disent qu'aqueste punt de vista es un punt de vista e de lo far pas aparéisser coma una vertat incontestabla... Fòrça mond s'investisson dins lo moviment de las Calandretas e "lo discors critic" pòt semblar ofensant e fòrt categoric... Cedric31 (d) 10 de genièr de 2008 a 15:11 (UTC)
  • Lo discors critic es pas una invencion gratuita, ni una ofensa: revèrta l'opinion d'una partida dei gents que trabalhan dins lo movement Calandreta, e tanben de quauquei lingüistas, que pensan que i a de causas que poirián foncionar melhor. Es pas un crime d'exprimir una critica, me sembla. Tanben lo discors critic s'apieja sus d'estudis scientifics que pòdi citar, e que citarai doncas. Laissar solament lo discors oficiau e suprimir lo discors critic, aquò seriá tombar dins la subjectivitat completa e dins una propaganda en sens unic.--Aubadaurada (d) 10 de genièr de 2008 a 18:49 (UTC)

Adieu a totes. Lo reborsièr es aquí tornarmai. Interveni aquí en defensa del discors critic e mai clarament de la posicion d'Aubadaurada. Precisi que pensi pas que laissar lo discors dich oficial siá de "propaganda"; cresi pas que l'aspècte propagandistic siá la tòca d'un article e encara mens dins una enciclopèdia... e d'un autre costat tròbi que tanben cal saber dire (e escriure) çò que fonciona pas coma cal, o disfonciona..., dins l'occitanisme o endacòm mai. Las causas son pas jamai ni negras ni blancas e pensi coma los decebuts (sabi pas per contra se n'i a fòrça, aquò es de mal jutjar) de l'estructura Calandreta (pas generalizable a totas las Calandretas per astre) que almens lingüisticament es luènh d'èsser una capitada; es puslèu un fracàs. En saber que Calandreta deu èsser una escòla occitana (en immersion precisi, subretot teoricament!) que l'occitan es pas la tòca prioritària d'un cèrt nombre de Calandretas mas qu'o es subretot la pedagogia (o sabi, i trabalhèri...). A un moment caldrà pausar lo bilanç dels mai de 25 ans que l'escòla existís. Se calculi cort los calandrons mai ancians fregan los trenta ans. Ont son aqueles calandrons? Parlan encara la lenga? An creat quicòm en occitan? Perdon, mas ieu los mots qu'ausiguèri a una amassada èran: l'occitan, je l'emploie avec ma mère pour faire les courges (macarèl, supervalorizant e dich en francés segur! sens comptar los autres reportatges que s'i pòt veire de calandrons que dominan pas (mai) la lenga e que veïculan de connotacions negativas cap a l'occitan. Per clavar: los que foguèssen contraris al discors critic pòdon porgir de pròvas de la non-realitat de çò dich (se n'i an, es a dire, Macarèl PiuPiu, ex-calandron a creat una entrepresa de traduccion occitan-japonés o Zuczuc Bòrni a montat una ràdio en occitan... per exemple) e crear de comptes e subretot d'articles per far avançar las causas. Ieu çò que vegèri sus la Wiki èra 1) una temptativa de censura e 2) una temptativa de coercicion ("o vau dire a l'estructura de Calandreta" mai o mens pausat aital). Escafar aquesta partida seriá donar rason a aquesta mena de practica. L'occitanisme en general a una manca de lindor dins son foncionar e segur los vejaires ne seràn macats mas bon cal que sortiscan a un moment o a un autre, es la lei de la democracia. Mercés d'o aver legit e perdon d'èsser tant long e traversièr mas serai totjorn aquí per defendre las gents o las posicions quand pensi que cal portar lum! Amistats e a lèu. Capsot (d) 10 de genièr de 2008 a 20:30 (UTC) Ps: Benlèu una reescritura e una suavizacion de qualques comentaris podrián adobar l'afar, o caldriá veire amb totes los autres, çò que seriá la solucion mai neutra. Bona nuèch!

Referéncias fornidas

modificar
Recuperada de « https://oc.wikipedia.org/w/index.php?title=Wikipèdia:Lista_dels_articles_non_neutres/Desacòrdi_de_neutralitat/Calandretas&oldid=257287 »