Víktor Ianokòvych
|
Víktor Ianokòvych
| ||
|---|---|---|
| ||
| Naissença | 9 de julhet de 1950 | |
President d' Ucraïna
| ||
| Periòde de govèrn: | 25 de febrièr de 2010-22 de febrièr de 2014 | |
| Predecessor: | Viktor Iushchenko | |
| Successor: | Petrò Poroshenko | |
Víktor Fedorovych Ianokòvych (en ucraïnian: Віктор Федорович Янукович = Viktor Fedorovych Ianukovych, Ienàkiieve, Província de Donetsk, 9 de julhet de 1950) es un engenhaire mecanic e politician ucraïnian, menaire del Partit de las Regions. Foguèt president d'Ucraïna del 25 de febrièr de 2010 fins a sa destitucion lo 22 de febrièr de 2014. Foguèt anteriorament governador de la Província de Donetsk de 1997 a 2002, e primièr ministre d'Ucraïna en dos periòdes dempuèi lo 21 de novembre de 2002 fins al 31 de decembre de 2004, e puèi del 4 d'agost de 2004 al 16 de novembre de 2007, quand renoncièt après las eleccions del 2007.
Foguèt lo segond candidat pus votat quand se faguèron las eleccions presidencialas ucraïnianas de 2004 e lo sieu partit lo mai votat durant las eleccions legislativas de 2006 e 2007.
Aprèp las manifestacions EuroMaidan e la mediacion de politicians de l'Union Europèa qu'enfortiguèron l'oposicion, lo president ucraïnian fugiguèt de Kyiv lo 22 de febrièr de 2014. Mai tard dins la meteissa jornada, foguèt destituit de sa foncion. Dins una entrevista facha probablament dempuèi l'èst d'Ucraïna, lo president fugitiu anoncièt qu'aviá pas l'intencion de demissionar e que s'agissiá d'un còp d'estat en comparar çò que s'èra passat amb lo nazisme. Ensagèt de fugir cap a Russia a partir de Donetsk abans de se refugiar en Crimèa aprèp sa destitucion. Fa actualament, dempuèi lo 24 de febrièr l'objècte d'un mandat d'arrèst emés per las autoritats ucraïnianas.
Aprèp que foguèssen trobats maites documents escampats dins lo lac de sa residéncia presidenciala que provavan de despensas colossalas (per exemple 30 milions d'èuros per de lustres-candelièrs en aur), una corrupcion enòrma e una susvelhança del mond de la premsa, de jornalistas e activistas ucraïnians creèron lo 24 de febrièr un sit sus Internet inspirat de Wikileaks e sonat YanukovychLeaks ont se pòt aver accès public a tota la documentacion recuperada. Es actualament refugiat en Russia, probablament a l'entorn de Rostòv de Dòn, vila del sud del país e pro pròcha de la frontièra ucraïniana, e faguèt divèrsas conferéncias de premsa ailà en clamar l'illegitimat del govèrn actual de Kyiv.
Biografia
modificar| Precedit per Mykola Azarov (interim) |
 Primièr ministre d'Ucraïna 28 de decembre de 2004 - 5 de genièr de 2005 |
Seguit per Mykola Azarov (interim) |
| Precedit per Iurii Iekhanurov (interim) |
Primièr ministre d'Ucraïna 4 d'agost de 2006 - 18 de decembre de 2007 |
Seguit per Iuliia Tymoshenko |
| Precedit per Viktor Iushchenko |
 President d'Ucraïna 25 de febrièr de 2010-22 de febrièr de 2014 |
Seguit per Petrò Poroshenko |