Thaïs d'Escufon
Anne-Thaïs du Tertre d'Escœuffant, dicha Thaïs d'Escufon (Tolosa, Lengadòc, 28 d'agost de 1999), es una politiciana, entrepreneira e militanta francesa d'extrèma drecha. Es estada pòrtaparaula del movement Generacion identitària entre 2018 e 2021. Aderís a la teoria del Grand Remplaçament, teoria segon la quala los politicians al poder serián responsables (quitament complicis actius) de la negada demografica de la populacion europèa indigèna per una èrsa migratòria venguda subretot d'Africa, en particular la arabo-berbèr del Magrèb ; afirma alavetz voler defendre la raça blanca. Masculinista e antifeminista, reivindica apartenir al movement tradwife estacat a la vision tradicionala de la femna al fogal. Cibla sus sa cadena YouTube un public de celibataris masculins.
  | |
| Biografia | |
|---|---|
| Naissença | 28 Agost de 1999 (25 ans) Tolosa |
| Pòrtavotz | |
Representa: Generacion Identitària 2019 – 2021 ← Anaïs Lignier | |
| Donadas personalas | |
| Nacionalitat | Francesa |
| Ideologia politica | Identitarisme |
| Formacion | Licèu Pierre-Paul-Riquet Universitat de Tolosa-Le Miralh lengas forastièras aplicadas |
| Activitat | |
| Profession | militant politic |
| Autres | |
| Condemnat per | delicte (2021) |
| Site web | thaisdescufon.com |
   | |
Son nom de familha, du Tertre d'Escœuffant, mòstra qu'es probablament eissida d'un linhatge d'aristocratas franceses de Picardia : es catolica tradicionalista, e foguèt de'n primièr membre del movement monarquic l'Accion Francesa. A viscut son enfància a Dremil e La Faja dins la banlèga èst de Tolosa.
Lo 5 d'octobre de 2018, a participat ambe lo movement d'extrèma drecha Generacion Identitària a una accion en Occitània contra lo local marselhés de l'organizacion non governamentala d'ajuda als migrants SOS Mediterranèa.[1]
Lo 13 de junh de 2020, aqueste còp a París (França), participa a una contramanifestacion contra la del comitat Justice pour Adama (manifestacion contra las discriminacions e las violéncias policièras) : ven a n'aquel moment la pòrtaparaula de Generacion identitària.
De setembre de 2020 a genièr de 2021, es la responsabla executiva del community manager per Sébastien Chenu del Rassemblament Nacional.
Lo 19 de genièr de 2021, participa en Occitània entre Luishon e la Val d'Aran ambe sos militants de Generacion identitària a una operacion contra l'immigracion dicha Mission Pirenèus de blocatge de la frontièra administrativa entre la Republica francesa e lo Reialme d'Espanha al nivèl del còl del Portilhon.[2]
En abril de 2021, après la dissolucion de Generacion identitària pel governament francés, ambe d'ancians sòcis d'aquela organizacion fonda alavetz l'ASLA, una associacion avent per tòca la proteccion dels lançaires d'alèrta.
En decembre de 2021, a depausat planh per agression sexuala e sequestracion. A declarat que l'òme l'avent agarrit a son domicili se seriá presentat coma un immigrat tunisian.
Pendent l'eleccion presidenciala francesa de 2022, sosten lo candidat d'extrèma drecha Éric Zemmour.
Lo 26 d'agost de 2024, recrutada per Cyril Hanouna, participa a la ràdio francesa Euròpa 1 coma cronicaira per l'emission On marche sur la tête; pasmens, serà sa sola emission, Constance Benqué, directritz generala de Lagardère Ràdio, avent decidit de perlongar pas l'ensag.[3]
Referéncias
modificar- ↑ Garde à vue prolongée pour 22 identitaires qui ont envahi le siège de SOS Méditerranée https://www.parismatch.com/Actu/Societe/Garde-a-vue-prolongee-pour-22-identitaires-qui-ont-envahi-le-siege-de-SOS-Mediterranee-1579162
- ↑ Génération Identitaire lance une nouvelle opération antimigrants dans les Pyrénées. C’est le deuxième coup médiatique de ce type que l’organisation d’extrême droite lance aux frontières du pays. La présidente de la région Occitanie, Carole Delga, demande à la préfecture d'y mettre fin. https://www.leparisien.fr/faits-divers/generation-identitaire-lance-une-nouvelle-operation-antimigrants-dans-les-pyrenees-19-01-2021-8420004.php
- ↑ "On marche sur la tête" : militante d’extrême droite, antiféministe… L’influenceuse Thaïs d’Escufon rejoint Cyril Hanouna sur Europe 1 https://www.ladepeche.fr/2024/08/28/on-marche-sur-la-tete-militante-dextreme-droite-antifeministe-linfluenceuse-thais-descufon-rejoint-cyril-hanouna-sur-europe-1-12162341.php