Territòris del Nòrd Oèst

Los Territòris del Nòrd Oèst (en anglés : Northwest Territories, lengas atabascanas : Denendeh, en inuinnaqtun : Nunatsiaq, en inuktitut : ᓄᓇᑦᓯᐊᖅ,Nunatsiaq) son un dels tres territòris federals de Canadà. Dintrèron dins la Confederacion canadenca lo 15 de julhet de 1870, mas la termièras actualas datan del 1èr d'abrial de 1999, amb la creacion de Nunavut. Confrontan a l'oèst Yukon, a l'èst Nunavut e al sud la Colómbia Britanica, Albèrta e Saskatchewan. S'estendon sus una superfícia de 1 346 106 km2, Se tracta de la tresena pus granda delimitacion del país, après Nunavut e Quebèc. Amb una populacion de 41 786 abitants (donadas de 2016), los Territòris del Nòrd Oèst son lo segond e pus grand pus poblat dels tres territòris del nòrd de Canadà. La populacion estimada en 2020 es de 45,161 abitants. La capitala es Yellowknife.

S'i tròban lo Grand lac de l'Ors — pus grand lac situat integralament en Canadà —, lo Grand lac dels Esclaus, lo flume Mackenzie e los canhons de la réserva del pargue nacional de Nahanni. Lo territòri s'estend tanben sus la partida occidentala de l'archipèla Artica e comprend las illas Banks e del Prince-Patrick, e de tròces de las illas Victòoria e Melville. Son punt culminant es lo mont Nirvana, près de la frontièra amb Yukon, culminant a 2 773 mètres d'altitud. Lo territòri es majoritàriament cobèrt per la taiga.