Los teropòdes (del grèc Theropoda: "pè de bèstia"), forman un clade de tetrapòds bipèds comprenent gaireben la totalitat dels grands dinosaures carnassièrs[4] e l'unic clade actual dels ausèls. Aquel grop polimòrf de Dinosaures sovent carnivòrs, de talhas fòrça variadissas (de 40 cm de long e 50 g pels maniraptors fins a 15 m de long e 11 tònas pels Spinosaures), ocupa los tres ròdols ecologics dels mitans terrèstres, aerians e aqüatics. Visquèron entre lo Triassic superior e lo Cretacèu superior (fa aperaquí 228 e 65 milions d'ans, entre lo Carnian e lo Maastrichtian), dins çò qu'es uèi America, Euròpa, Africa, Asia, Oceania e Antartida. Pendent la màger part del Jurassic e del Cretacèu.

Descripcion modificar

Los teropòdes constituisson un grop de dinosaures saurisquis larg e variat caracterizats per una dièta carnivòra e un caminar bipède. Los teropòdes apareguèron al triassic (230 milions d'ans) e foguèron los caçaires terrèstres dominants fins a son escantiment al cretacèu (65 milions d'ans) amb los autres dinosaures e una granda partida de la fauna e de la flòra d'aquesta epòca. Lor forma varia entre de pichons caçaires primitius de pas mai d'un mètre, coma l'Eoraptor lunensis, e de predadors gigants de 15 mètres de long, coma lo Giganotosaurus carolini o lo Carcharodontosaurus saharicus.

Referéncias modificar

  1. (en) Marsh, O.C., 1884. The classification and affinities of dinosaurian reptiles. Nature 31:68-69
  2. (en) Holtz, T. R., 1994. The phylogenetic position of the Tyrannosauridae: implications for theropod systematics. Journal of Paleontology 68(5):1100-1117.
  3. (en) Gauthier, J. A., 1986. Saurischian monophyly and the origin of birds. pp. 1-55 In Padian, K. (ed.) The Origin of Birds and the Evolution of Flight. Memoirs of the California Academy of Sciences 8.
  4. (en) Holtz, T.R. Jr. & Osmólska, H., 2004. Saurischia. Pp. 21-24, in D.B. Weishampel, P. Dodson and H. Osmólska (eds.), The Dinosauria. Second Edition. University of California Press.