Lo tè blanc (en chinés 白茶 pinyin : báichá, en japonés 白茶 Shiracha) es un leugierament oxidat, unes 12 %, segon lo metòde tradicional[1]. Abans lo tè verd (qu'es el tanben pauc transformat), es lo tè que conéis la transformacion mai fèble al respècte de la fuèlha fresca del teièr. Sas culhidas tradicionalas son raras e sovent costosa, subretot lo Bai Hao Yin Zhen 白毫银针 compausat pas que de borrons.

Fuèlhas de Bai Hao Yin Zhen de la província del Fujian.

Fabricacion modificar

De jovas fuèlhas son culhidas amb lo borrons, puèi secadas al solelh e fin finala a l'ombre (o encara torrodas a la vapor). La diferéncia amb lo tè verd consistís en l'abséncia de blasiment, de torratge e de rolatge. Las fuèlhas de tè blanc conservan fòrça proprietats de la fuèlhas frescas del tè. An tanben una densitat fòrça fèble, al respècte de las fuèlhas rotladas — o, a l'extrèma, al tè premsat.

Al contrari de la pensada comuna, lo tè blanc es fòrça leugièrament oxidat, a causa de l'abséncia d'un procediment de coseson quina que siá que degradariá l'enzim responsable d'aquela oxidacion. Coma aquel tè es fòrça pauc manipulat (pas de rotlatge), aquela oxidacion se realiza sonque en superfícia.

La província chinesa del Fujian es una de las mai conegudas en matèria de tè blanc.

Preparacion modificar

Lo tè blanc demanda una infusion de gaireben 5 a 10 minutas (o mai) dins una aiga de font pauc minerala entre 30 e 75 °C. Aquela infusion a bassa temperatura evita la destruccion d'unas vitaminas. Lo biais melhor de lo preparar e de lo beure es d'utilizar un zhōng (o gaiwan), una tassa de porcelana amb un tapador tradicionalament utilizada en China.

Caracteristicas modificar

Lars licors cristallinas son subtilas e refrescantas. S'agís d'un tè fresc sovent utilizat en China en estiu per se desassadar.

Lo tè blanc permetriá de reduire l’obesitat regulant l'estocatge de las grassas[2].

Varietats modificar

  • 白毫银镇 Bai Hao Yinzhen (lit. "agulhas d'argent amb pels blancs", tè blanc compausat pas que de borrons, en forma d'agulhas);
  • 白牡丹 Bai Mu Dan o Pai Mu Tan (lit. peuna blanca, tè blanc compausat de borrons e de las doas primièras fuèlhas);
  • Shou Mei;
  • Yin Zhen (lit. agulhas d'argent), a vegada perfumat al jasmin.

Tanben existís de tè blanc venent de Sri Lanka, d'Índia (Darjeeling), de Nepal (òrt de Guranse)[3], de Tailàndia, e tanbne d'Africa australa (varietats antlers, fusta de cervids, del Malawi per exemple).

Notas e ligams modificar

<referéncias/>

  1. Les thés blancs, sur The Tea Blog.
  2. {{{2}}},
  3. Error en títol o url. www.palaisdesthes.com.