Spotnik 2

Spotnik 2 (rus:Спутник-2, /sputʲnʲɪk/, Satellit 2), o Prosteyshiy Sputnik 2 (Простейший Спутник 2,Satellit elementari 2) foguèt lo segond vaissèl lançat en orbita terrèstra, lo 3 de novembre de 1957, e lo primièr de tranportar un animal vivent, una canha nomenada Laika. Laika subrevisquèt pas a l'orbita, e moriguèt qualquas oras après lo lançament. Lançat per l'URSS, Spotnik 2 èra una capsula de 4 mètres de naut amb un diamètre de basa de 2 mètres que pesava aperaquí 500kg, mas èra pas concebuda per se separar del nuclèu de la fusada que la menèt en orbita , çò que portava lo pes total en orbita a 7.79 tonas. Conteniá mantun compartiments per la transmission ràdio, un sistèma de telemetria, una unitat de programacion, un sistèma de regeneracion e de cotraròtle de la temperatura per la cabina, d'instruments scientifics. e una cabina tancada separada per la canha Laika.

Replica de Spotnik 2 al Musèu Memorial de l'astronautica a Moscòu.