Shipòva

La shipòva o ×Sorbopyrus irregularis (Münchh.) C.A.Wimm.) es una espeça de plantas a flors de la familha daus Rosaceae Qu'es un aubre ibride fach dau crosament intergeneric d'un perier commun (Pyrus communis L.) e d'un albier blanc (Sorbus aria).

Apareis per lo prumier còp dins la literatura en 1610, a Bollwiller, Alsaça, e s'espandisset dempuèi per multiplicacion vegetativa.

Dins son Manuele daus aubres e aubrilhons cultivats, Alfred Rehder repertoriet quela espeça sos lo nom de ×Sorbopyrus auricularis (Knoop) C.K.Schneid., mas lo taxon Pyrus auricularis Knoop exista pas. Qu'es perqué lo nom Pyrus irregularis Münchh. es lo basionime de la nomenclatura.

Quel aubre es present dins de nombros jardins botaniques e arboretums tras lo monde mas siguet pas beucòp cultivat per sa bona frucha de la talha d'un gròs aubricòt.

Sinonimes

Quela espeça ibrida portet mai d'un nom au cors de sos 400 ans d'existença que :

Azarolus pollvilleriana Borkh.
Lazarolus pollveria Medik.
Pyrus bollwylleriana DC.
Pyrus irregularis Münchh.
Pyrus malifolia Spach
Pyrus pollveria L.
Pyrus pollvilla C.C.Gmel.
Pyrus pollwilleriana J.Bauhin ex Decne.
Pyrus tomentosa Moench
× Sorbopyrus irregularis (Münchh.) C.A.Wimm.
× Sorbopyrus malifolia (Spach) C.K.Schneid. ex Bean

Multiplicacion

Lo taus plan feble de granas bonas pròba son origina ibrida mas eu pòt èsser empeutat emb succès sus un perier.

Totparier, lo Sorbopyrus auricularis var. bulbiformis es una varietat eissida de 'na semnada reussida de × Sorbopyrus auricularis. Qu'es una varietat triploïda eissuda d'un gamete femela diploïde de sorbopyrus e d'un gamete mascle de perier aploïde. Quò explica que quela varietat siá bien mai pròche dau perier^[1].

Referença

↑ .

[1] .

[1]